Zańsyz salynǵan 40 nysandy májbúrlep buzdyrý jóninde sotqa talap-aryz joldanyp, onyń 5-eýine qatysty buzý týraly sot sheshimi shyqty. Sonymen qatar túsindirý jumystarynyń nátıjesinde 16 nysan qurylys ıeleriniń óz qarajaty esebinen buzyldy. Jalpy oblys boıynsha 1722 nysannyń qurylysy memlekettik baqylaýǵa alynǵan.
Túrkistan oblysynyń memlekettik sáýlet-qurylys baqylaýy basqarmasy basshysynyń mindetin atqarýshy Tartý Baıtursynovtyń málimetinshe, ótken jyly bıýdjet qarajaty esebinen salynyp jatqan 100 qurylys nysanynda zań buzýshylyqtar anyqtalyp, 121 qurylys sýbektisine qatysty ákimshilik sharalar qabyldanǵan. Nátıjesinde 103 mıllıon teńge aıyppul salynyp, birqatar qurylys kompanııalarynyń lısenzııalary boıynsha jekelegen jumys túrleri toqtatyldy.
LRT qurylysyna bıýdjetten 300 mlrd teńgeden astam qarajat jumsaldy
Eske salaıyq, buǵan deıin Mańǵystaýda Bozjyraǵa aparatyn avtojoldyń qurylysy bastalǵanyn habarlaǵan edik.
