Berik Asylovtyń aıtýynsha, memlekettik qarajatty ıgerý, memlekettik satyp alý, qorshaǵan ortany qorǵaý, jer qoınaýyn paıdalaný jáne jerdi utymdy paıdalaný salalarynda 470 mlrd teńgege jýyq aqsha men múlik memleket paıdasyna óndirilgen.
«Bas prokýratýra qarjy jáne ádilet mınıstrlikterimen birlesip memlekettik múlikti basqarýdyń zańdylyǵyna júrgizilgen bir ǵana tekserýdiń nátıjesinde 3 jyldan astam ýaqyt boıy shottarda buǵattalyp turǵan jáne bıýdjetke tólenbegen 193 mlrd dıvıdendterdi tóleý boıynsha sharalar qabyldandy. Memleket menshigine Alataýdyń taý eteginde, Kaspıı teńiziniń jaǵalaýynda, Býrabaı ulttyq parkinde ornalasqan olıgopolııalardyń jeri, sondaı-aq jyldar boıy maqsatty túrde paıdalanylmaǵan qoǵamdyq jaıylymdar men ózge de alqaptar – aýyl sharýashylyǵy maqsatyndaǵy jerdiń barlyǵy 800 myń gektar qaıtaryldy», dep jazdy Berik Asylov X (Twitter) áleýmettik jelisindegi paraqshasynda.Pavlodarda quny 100 mln teńge turatyn jer memleketke qaıtaryldy
Nátıjesinde birqatar óńirde jaıylym tapshylyǵy máselesi is júzinde sheshildi, prokýrorlar aýyldyq aýmaqtardyń barlyq turǵyndaryna olardy paıdalaný múmkindigi men qoljetimdiligin qamtamasyz etti.
«Prezıdent bekitken ishki saıasat qaǵıdattary men «Taza Qazaqstan» tujyrymdamasy aıasynda tabıǵat paıdalanýshylarmen keltirilgen 25 mlrd kólemindegi ekologııalyq zalal óteldi. Sıfrlyq tehnologııalardy, ǵaryshtyq monıtorıngti jáne jasandy ıntellekt elementterin paıdalana otyryp, prokýrorlar ekologtarmen birlesip 3,8 myńnan astam zańsyz qoqys oryndaryn joıdy», dep jazdy Berik Asylov.
Prokýrorlyq qadaǵalaý aktileri boıynsha qurylys salýshylarmen birge 300 myńnan astam jańa jasyl jelekter otyrǵyzyldy.
Memlekettik basqarýdyń tıimdiligin arttyrý týraly Prezıdenttiń Jarlyǵyn oryndaý sheńberinde prokýrorlar jergilikti atqarýshy organdardyń shyǵystaryn ońtaılandyryp, 255 mlrd teńge kólemindegi qajetsiz memlekettik shyǵyndardyń jolyn kesti.
«Pavlodar men Atyraýda jergilikti organdar arnaıy tehnıka men páterlerdi naryqtyq baǵasynan úsh ese qymbat baǵamen satyp alýdy josparlaǵan. Prokýrorlar bul satyp alýlardy toqtatyp, qarajat ózge áleýmettik qajettilikterge jáne ınfraqurylymdy jaqsartýǵa baǵyttaldy», dedi Bas prokýror.
Prokýrorlardyń ótinishhattary men narazylyqtary boıynsha 300-den astam azamattyq jáne ákimshilik is boıynsha sheshimder qaıta qaraldy, onyń ishinde memleket paıdasyna 22 mlrd teńge óndirildi.
«Mysaly, meniń narazylyǵym boıynsha memleketten eki jeke kompanııanyń kredıttik bereshegi úshin 1,2 mlrd teńge óndirip alý joıyldy. Kerisinshe, meniń narazylyǵym boıynsha oryndalmaǵan qarý-jaraqty jóndeý jumystary úshin memlekettik qorǵanys tapsyrysynyń paıdasyna 800 mln teńge óndirildi», dedi Berik Asylov.
Qoǵam men memlekettiń ekonomıkalyq múddelerin qorǵaý salasyndaǵy prokýrorlyq qadaǵalaýdyń tıimdiligi, sonyń ishinde sıfrlyq tehnologııalar men jasandy ıntellekt elementterin jumysqa engizý esebinen artyp keledi.
2 mln gektar paıdalanylmaǵan jer merziminen buryn memleket menshigine qaıtaryldy
