Qarjy • 12 Qańtar, 2026

Memleketten kómek alǵan bankterge dıvıdend tóleýge shekteý qoıylýy múmkin

90 ret

kórsetildi

2 mın

oqý úshin

Qarjy naryǵyn retteý jáne damytý agenttigi memleketten qarjylaı qoldaý alǵan bankterge qatysty jańa talaptar engizýdi usynyp otyr. Jańa qaýly jobasyna sáıkes, mundaı bankter paıdasyn erkin bóle almaıdy jáne dıvıdend tóleý, óz aksııalaryn keri satyp alý shektelýi múmkin, dep habarlaıdy Egemen.kz.

Aıana TOǴANBEK

Memleketten kómek alǵan bankterge dıvıdend tóleýge shekteý qoıylýy múmkin

Qarjy naryǵyn retteý jáne damytý agenttigi «Qarjylyq ornyqtylyqty qamtamasyz etý jáne saýyqtyrý úshin memlekettik bıýdjettiń, Qazaqstan Respýblıkasy Ulttyq qorynyń, Ulttyq banktiń jáne onyń enshiles uıymdarynyń qarajaty paıdalanylatyn ekinshi deńgeıdegi banktiń paıdany bólý, jaı jáne artyqshylyqty aksııalar boıynsha dıvıdendter esepteý, óz aksııalaryn keri satyp alýdy júrgizý, sondaı-aq ekinshi deńgeıdegi banktiń iri qatysýshysynyń, bank holdınginiń ekinshi deńgeıdegi banktiń aksııalaryn tikeleı jáne janama ıelený jáne paıdalaný jáne olarǵa bılik etý úlesin azaıtý sharttaryn bekitý týraly» agenttik basqarmasynyń qaýlysyn ázirledi.

Dıvıdendter tóleý mólsheri týraly norma engizildi

Qaýlynyń jobasy «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy zańynyń jańa redaksııasynyń 6-babynyń 3-tarmaǵyn oryndaý úshin ázirlendi jáne teńgeriminde memlekettik qoldaý qarajaty bar ekinshi deńgeıdegi bankterge qoldanylady.

Dıvıdendter dınamıkasy

Qaýlynyń jobasy bankterdi memlekettik qoldaý qarajatyn qaıtarý jónindegi mindettemelerdi merziminen buryn oryndaýǵa yntalandyrýǵa baǵyttalǵan jáne ekinshi deńgeıdegi bankterdiń paıdany bólý, jaı jáne artyqshylyqty aksııalar boıynsha dıvıdendter esepteý, óz aksııalaryn keri satyp alýdy júrgizý sharttaryn, sondaı-aq iri qatysýshylar men bank holdıngteri tarapynan banktiń aksııalaryn tikeleı jáne janama ıelený úlesin azaıtý sharttaryn belgileıdi.