Foto: nn-airport.kz
Áýejaıdyń jedel deregine sáıkes, tómendegi reısterdiń kelý ýaqyty keıinge shegerildi:
KC 584 Sanııa – Astana;
DV 784 О́skemen – Astana;
IQ 400 Aqtóbe – Astana;
FS 7316 Qyzylorda – Astana;
IQ 438 Petropavl – Astana;
KC 656 Doha – Astana.
Jolaýshylarǵa áýejaıǵa jol tartpas buryn aýa raıy men jol jaǵdaıyn eskerip, reısterdiń ózekti mártebesin tekserý usynylady. Aqparatty áýekompanııalardyń baılanys ortalyqtarynan jáne áýejaıdyń resmı saıtyndaǵy onlaın tablodan alýǵa bolady.
Áýejaı ákimshiliginiń málimetinshe, barlyq qyzmet kúsheıtilgen jumys tártibine kóshirilgen. Perron men vokzal mańy aýmaǵynda qar tazalaý jumystary úzdiksiz júrgizilip, qaýipsizdikti qamtamasyz etý úshin arnaıy tehnıka jumyldyrylǵan.
Sonymen qatar jolaýshylardan sabyr saqtap, reısterge qatysty aqparatty turaqty túrde baqylap otyrý suralady, sebebi aýa raıy jaǵdaıyna baılanysty ushý kestesine qosymsha túzetýler engizilýi múmkin.
