Onyń aıtýynsha, bul halqy shamamen 540 myń adamdy quraıtyn 142 aýyldy sapaly aýyz sýmen qamtýǵa múmkindik beredi.
«Negizgi nysandardyń biri – Shardara toptyq sý qubyry bolmaq, onyń qurylysy 2026 jyldyń shildesinde aıaqtalyp, Shardara qalasyn jerasty kózderinen aýyz sýmen qamtamasyz etedi. Nysan paıdalanýǵa berilgennen keıin qalanyń aýyz sýmen qamtamasyz etilýi tolyǵymen jańa sý qubyry esebinen júzege asyrylady. Osynyń arqasynda Shardara sý qoımasyndaǵy sý kóleminiń azaıýy sý tapshylyǵyn týdyrmaıdy», dep atap ótti Nurjan Nurjigitov.
Sonymen qatar Mınıstrlik eldiń úsh oblysynda 5 joba boıynsha jobalyq-smetalyq qujattamany ázirleý jumystaryn jalǵastyrýda, olardyń aıasynda iri toptyq sý qubyrlarynyń bas qurylysjaılaryn salý kózdelgen.
Jobalyq-smetalyq qujattamany ázirleý jáne saraptama qorytyndysyn alýdy aıaqtaý 2026 jyldyń birinshi jartyjyldyǵynda josparlanyp otyr, sodan keıin olardy qarjylandyrý máselesi qarastyrylady.
Buǵan deıin mınıstr Úkimet otyrysynda 2028 jylǵa qaraı 3,6 mln «aqyldy» sý esepteý qurylǵylary qoldanysqa beriletinin aıtty. Sondaı-aq О́nerkásip jáne qurylys vıse-mınıstri Qýandyq Qajkenovtyń aıtýynsha, Memleket basshysynyń halyqty 2025 jyldyń sońyna deıin aýyz sýmen qamtamasyz etý jónindegi tapsyrmany oryndaý barysynda respýblıkalyq bıýdjetten shamamen 835 mlrd teńge bólingen. Bólingen qarajatqa 34 qala men 756 aýyl ortalyqtandyrylǵan sý júıesimen qamtyldy.
