PAVLODAR. 24 aqpan. Pavlodardaǵy Sultanmahmut Toraıǵyrov atyndaǵy ýnıversıtette «Qazaqstan halqy assambleıasynyń 20 jyldyǵyna 20 qaıyrymdy is» respýblıkalyq is-sharalar bastaldy. Bul týraly egemen.kz tilshisi habarlady.
Konserttiń ashylýynda oblystaǵy «Elbrýs» qarshaı-sherkes jáne kabardın-balqar etno-mádenı birlestiginiń tóraıymy Marııa Baıramqulova quttyqtaý sóz sóıledi. Birlestik karashaı sherkes, kabardın-balkarlardyń tilderin, tarıhyn, salt-dástúrin saqtaýda jaqsy jumystar atqarýda. El birligin nyǵaıtýǵa, qazaq mádenıetimen tanysýǵa, memlekettik tildi meńgerýge jáne Qazaqstannyń gúldenýine óz úlesterin qosýda. Konsertte «Chıpchık», «Kýanch», «Mıngı Taý» vokaldyq toptary án saldy. Konsertte «Qazaqstanym», «Oraıda», «Sı 1 ef 1 sı fo», «Jasa qazaǵym», «Tek alǵa» sııaqty qazaq ánderi oryndaldy. Bul konsertti oqytýshylar, stýdentter qaýymy tamashalady. Kesh sońynda «Elbrýs» qarashaı-sherkes jáne kabardın-balqar aımaqtyq etnomádenı birlestigi jáne joǵary oqý ornynyń «Qazaqstan halqy assambleıasy» kafedrasy merekelik syılyqtarmen marapattaldy.
Farıda Byqaı.
Derek, sýret: egemen.kz.
