Foto: gov.kz
Quqyq buzýshylar 6 myńnan astam
Spıkerdiń aıtýynsha, Ákimshilik quqyq buzýshylyq týraly kodekske engizilgen jańa bap esirtki bıznesine qarsy kúres sharalarynyń bir bóligine aınalǵan.
«2025 jyldyń naýryz aıynan bastap esirtki zattaryn medısınalyq emes maqsatta tutyný úshin ákimshilik jaýapkershilik engizildi. Osy kezeńde 6 myńnan astam quqyq buzýshy jaýapqa tartyldy. Bul shara profılaktıkalyq nátıje berip otyr», dedi Meıirhan Danııar.
Nashaqorlyqqa jáne esirtki bıznesine qarsy kúres jospary bekitildi
Aıyppul mólsheri az emes
Aıta keteıik, esirtki quraldaryn, psıhotroptyq zattardy, olardyń analogtary men kúshti áser etetin zattardy medısınalyq emes maqsatta tutynǵany úshin jaýapkershilik ÁQBtK-niń 440-1-babynda kózdelgen. Eger bul áreket qylmystyq quqyq buzýshylyq belgilerin qamtymasa, jeke tulǵaǵa 40 aılyq eseptik kórsetkish (2026 jyly – 173 myń teńge) kóleminde aıyppul salý nemese 10 táýlikke deıin ákimshilik qamaýǵa alý jazasy qoldanylady.
Eger dál osyndaı quqyq buzýshylyq 1 jyl ishinde qaıtalansa, jaýapkershilik kúsheıtiledi: 80 aılyq eseptik kórsetkish (2026 jyly – 346 myń teńge) mólsherinde aıyppul nemese 20 táýlikke deıin ákimshilik qamaý qarastyrylǵan.
Almatyda esirtki bıznesine qatysy bar 6 myńnan astam bank kartasy buǵattaldy
Sıntetıkalyq esirtki óndirisi azaıǵan
Sonymen qatar, komıtet tóraǵasy esirtki bıznesin uıymdastyrýshylarǵa qatysty qylmystyq jaýapkershiliktiń, tipti ómir boıyna bas bostandyǵynan aıyrýǵa deıin qatańdatylýy Qazaqstan aýmaǵynda sıntetıkalyq esirtki óndirisiniń azaıýyna ákelgenin atap ótti. Onyń sózinshe, keıbir jasyryn óndiris oryndary kórshiles elderge kóshken.
IIM sıntetıkalyq esirtkilerdiń tapshylyǵy men baǵasynyń óskenin tirkep otyr. Buryn olardyń baǵasy shamamen 25 myń teńge bolsa, búginde 35 myń teńgege deıin qymbattaǵan.
«Sıntetıkalyq esirtkilerdiń baǵasy qymbattap, tapshylyq baıqalady. Olardy tasymaldaý turǵysynda irkilister jıi bolyp otyr. Bul – óndiris, logıstıka jáne taratý arnalaryna jasalǵan soqqylardyń tikeleı nátıjesi», dedi Meıirhan Danııar.
Bas prokýratýrada esirtki bıznesiniń jahandyq syn-qaterlerin talqylady
