Mekeme qalalyq jumyspen qamtý jáne áleýmettik qorǵaý basqarmasyna qaraıdy. Zeınetkerler kún saıyn osynda kelip, 4 saǵat boılaryn sergitip, áleýmettik qyzmetter alady. Qalada atalǵan ortalyqtyń 4 bólimshesi jumys isteıdi. Kúndelikti 800-ge jýyq zeınetker men eńbek ardagerleri osy mekemede em alyp, demalyp ketedi. 2025 jyly «Belsendi uzaq ómir» ortalyǵy 10 myńǵa jýyq zeınet jasyndaǵy azamattarǵa medısınalyq, saýyqtyrý em sharalaryn kórsetip, mádenı is-sharalar uıymdastyrypty.
Ortalyqqa kelgen ardagerler aldymen dárigerlik tekserýden ótip, sodan keıin óz qalaýyna saı qyzmet alady. Mekeme tańǵy sergitý jattyǵýlary, fıtobar, fızıoterapııa kabıneti, psıholog keńesi, trenajer zaly, massaj, emdik dene shynyqtyrý, horeografııa, ıoga, basseın, tuzdy kenish sekildi saýyqtyrý qyzmetterimen qamtylǵan. Sondaı-aq beıneleý jáne qysh óneri de ardagerlerdiń bos ýaqytyn tıimdi ótkizýge kómektesedi.
Munda zeınetkerlerden quralǵan óner toptary túrli halyqaralyq baıqaýlarda júldeli oryn alyp júr. Máselen «Jibek» ájeler bı toby Almaty qalasynda ótken I Halyqaralyq «GOLDEN GRACE 60+» bı konkýrsynda III oryndy ıelense, Tashkent qalasynda ótken «Azııa órnekteri» halyqaralyq festıvalinde «Qazyna» bı toby I oryn men Gran-prı júldesin jeńip aldy.
94 jastaǵy qarııa qajylyqqa jınaǵan qarajatyn syrqat balalarǵa bólip berdi
