Talqylaý barysynda ekonomıkalyq patrıotızm otandyq óndiristi qoldaýdyń jáne ishki naryqty nyǵaıtýdyń naqty tetigi retinde qarastyryldy.
Shara aıasynda ekonomıkalyq patrıotızm máselesi sút salasynyń mysalynda taldandy. Ulttyq analıtıkalyq ortalyq júrgizgen áleýmettik saýalnama nátıjesine sáıkes, qazaqstandyq ónimge degen tutynýshylar senimi artyp keledi. Sonymen birge respondentterdiń 27 paıyzy otandyq sút ónimderin ımporttyq ónimderden ajyratýda qıyndyqqa tap bolatynyn kórsetken.
Baǵany negizsiz ósirgen saýda oryndaryna 481 030 teńge aıyppul salyndy
Sarapshylar bul máseleni sheshý úshin «Qazaqstanda jasalǵan» tańbasyn aıqyn ári túsinikti etý, saýda jelilerinde dám tatyrý sharalaryn keńeıtý, sondaı-aq otandyq jáne ımporttyq ónimderge birdeı ári qatań sapa baqylaýyn engizý qajet ekenin atap ótti.
Ulttyq analıtıkalyq ortalyqtyń basqarma tóraǵasy Rasýl Rysmambetov qazaqstandyq taýardy sanaly túrde tańdaý azamattardyń el ekonomıkasyna qosqan tikeleı úlesi ekenin aıtty. Onyń sózinshe, bul jumys oryndarynyń kóbeıýine, óńirlerdegi tabystyń artýyna jáne syrtqy naryqtarǵa táýeldiliktiń azaıýyna yqpal etedi. Ekonomıkalyq patrıotızm uran retinde emes, naqty ekonomıkalyq qural retinde qarastyrylýy tıis.
Sondaı-aq 2025 jylǵy áleýmettik-ekonomıkalyq damý kórsetkishteri usynyldy. Qańtar-qarasha aılary aralyǵynda negizgi kapıtalǵa salynǵan ınvestısııalar jyldyq eseppen 13,3 paıyzǵa artqan. Investısııalardyń negizgi bóligi bıznes sýbektileriniń óz qarajaty esebinen júzege asqan. Bul kásipkerlerdiń el ekonomıkasyna degen seniminiń saqtalyp otyrǵanyn kórsetedi.
QQS ósimi áleýmettik mańyzy bar azyq-túlik baǵasyna áser etti me?
2025 jyldyń qorytyndysy boıynsha jyldyq ınflıasııa deńgeıi 12,3 paıyzdy qurady. Ulttyq analıtıkalyq ortalyq baǵa ósimine syrtqy faktorlardyń, sonyń ishinde ımporttyq taýarlar baǵasynyń qymbattaýy men valıýtalyq aýytqýlardyń áser etkenin atap ótti. Ishki sebepter qatarynda jetkizý tizbegindegi tıimsiz deldaldar men kóleńkeli aınalymdardyń bar ekeni kórsetildi.
