Oqıǵa • 16 Qańtar, 2026

Pavlodarda shetel azamaty búıregin 50 myń dollarǵa satpaq bolǵan

90 ret

kórsetildi

1 mın

oqý úshin

Reseı azamatshasy Qazaqstan aýmaǵynda aǵzasyn satý úshin Telegram arqyly mámile jasasyp, alǵashqy jarna alý kezinde ustalǵan, dep habarlaıdy Egemen.kz.

Qyrmyzy JUMAǴALIQYZY

Pavlodarda shetel azamaty búıregin 50 myń dollarǵa satpaq bolǵan

Foto: Ashyq derekkóz

Pavlodar oblystyq sotynyń baspasóz qyzmeti habarlaǵandaı, sottalǵan áıel 2024 jyly ınternet jelisinde búıregin 50 myń dollarǵa (sol kezdegi baǵam boıynsha 24,5 mln teńge) satý týraly kelisim júrgizgen. Transplantasııa otasy Pavlodar qalasynda ótýi tıis bolǵan.

Adam aǵzalaryn saýdalaýmen aınalysqan kúdikti Polshada ustaldy

2025 jyly aıyptalýshy Qazaqstanǵa kelip, qajetti medısınalyq tekserýlerden ótken. Alaıda zańsyz árekettiń joly kesilip, polıseıler ony 5 mln teńge kólemindegi alǵashqy jarnany alý sátinde qolǵa túsirgen. Sot otyrysynda áıel óz kinásin tolyq moıyndap, jasaǵan isine ókinetinin jetkizgen.

«Sot sheshimimen oǵan 10 aıǵa bas bostandyǵynan aıyrý jazasy taǵaıyndaldy. Onyń kúzetpen ustaýda bolǵan ýaqyty eskerilip, jaza óteldi dep tanyldy. Sottalǵan áıel sot zalynan bosatyldy», delingen habarlamada.

Sot úkimi zańdy kúshine endi.