Islam dininde bilim alýdyń orny erekshe. Qasıetti hadıste: «Bilim alý – árbir musylman er men áıelge paryz», dep aıtylýy da ilimniń adam ómirindegi mańyzyn aıqyndaıdy. Osy ustanymdy basshylyqqa alǵan jańa ortalyq jas urpaqtyń dinı saýatyn ashyp, rýhanı tárbıe berý jolyndaǵy mańyzdy qadam bolyp otyr.
Saltanatty sharaǵa Ulytaý oblysynyń bas ımamy Beıbit Baqytjanuly qatysyp, jamaǵatty jańa ortalyqtyń ashylýymen quttyqtady. Ol óz sózinde mundaı bilim oshaqtarynyń qoǵam úshin máni zor ekenin, jasóspirimderdiń durys baǵytta tálim-tárbıe alýyna úles qosatynyn jetkizdi.
Jalpy aýmaǵy 150 sharshy metrdi quraıtyn ǵımaratta ashana, ustazdarǵa arnalǵan jeke kabınet, sondaı-aq balalarǵa arnalǵan jatyn oryndar bar. Bul shákirtterdiń bilim alýymen qatar, qolaıly turmysyn jasaǵan keshendi ortalyq ekenin kórsetedi.
Jańa saýat ashý ortalyǵynyń ashylýy – búgingi jastardyń dinı saýatty bolýyna yqpal etedi. Balalar men jasóspirimder tek dinı bilim alyp qana qoımaı, izgilikke, úlkenge qurmet, kishige izet kórsetýge tárbıelenedi.
«Meshit janynan ashylǵan bul saýat ashý ortalyǵy aldaǵy ýaqytta Qarajal qalasyndaǵy dinı-aǵartýshylyq jumystardyń mańyzdy tiregine aınalmaq. Munda shákirtter Quran álippesin meńgerip, rýhanı-adamgershilik baǵyttaǵy taǵylymdy bilim alady», dedi Qarajal qalalyq «Nur» meshitiniń bas ımamy Talǵat Sovetov.
Ulytaý oblysy
