QAJK-nyń Abaı oblysy boıynsha qaýipsizdigi barynsha joǵary mekemesinde birden eki sottalǵannyń nekesi tirkeldi. Is-shara Qazaqstan Respýblıkasy zańnamasynyń talaptaryna qatań sáıkestikte jáne belgilengen ustaý rejımin saqtaı otyryp uıymdastyryldy.
Resmı rásimdi mekeme qyzmetkerleriniń qatysýymen Semeı qalasynyń AHAT bóliminiń qyzmetkeri júrgizdi.
31 jeltoqsan kúni eń kóp neke qaı óńirde tirkeldi
«Biz úılený týraly sheshim qabyldaǵan kezde men toǵyz jylǵa bas bostandyǵymnan aıyryldym. Keıinirek tańdaǵan adamym menen bala kútip júrgenin bildim. Qazirgi ýaqytta bizdiń balamyz eki jasqa kelip qaldy. Súıiktimniń ata-anasy men jaqyn týystary basynda nekege qarsy boldy, biraq men olarmen únemi baılanysta boldym, nıetimniń shynaıylyǵyna sendirdim jáne bostandyqqa shyqqannan keıin burynǵy ómir saltyna oralmaýǵa ýáde berdim. Ýaqyt óte kele olar kelisimin berdi, búgin biz resmı túrde otbasy boldyq», deıdi sottalǵandardyń biri.
Shymkent pen Qyzylordada májbúrli neke boıynsha alǵashqy ister tirkeldi
«Bas bostandyǵynan aıyrý oryndarynda neke qııý tárbıe prosesiniń mańyzdy elementi. Sottalǵan adam úshin otbasyn qurý-sanaly jáne jaýapty sheshim. Neke áleýmettik baılanystardyń saqtalýyna yqpal etedi jáne zańǵa baǵynatyn minez-qulyqty yntalandyrady, bul is-shara túpkilikti sottalǵandardy túzetýge baǵyttalǵan», dep atap ótti mekeme bastyǵynyń orynbasary Aıdyn Kalelov.
