Foto: akorda.kz
Bul týraly Prezıdenttiń kómekshisi – Baspasóz hatshysy Rýslan Jeldibaıdyń Tengrinews.kz-ke bergen jaýabynda málim boldy.
Buǵan deıin D.Tramp Gaza boıynsha Beıbitshilik keńesin qurýdy kózdep otyrǵanyn aıtqan. Qazir Argentına, Majarstan, Túrkııa, Pákistan, Mysyr, Iordanııa, Qatar jáne Italııa elderi keńeske múshe bolýǵa shaqyrtý alǵandaryn rastap, ony qabyldaǵandaryn jarııa etti.
Osy mándegi shaqyrý Fransııa, Germanııa jáne BAÁ kóshbasshylaryna da joldanǵan.
«Birqatar eldiń kóshbasshysy Prezıdent Donald Tramptan mundaı resmı shaqyrý alǵany týraly málimdemelerinen keıin bul faktini jasyrý durys bolmas edi. Iá, Prezıdent Qasym-Jomart Toqaev álem kóshbasshyldarynyń arasynda alǵashqylardyń biri bolyp Beıbitishlik keńesiniń quramyna kirý, al Qazaqstanǵa quryltaıshylardyń biri bolý týraly resmı shaqyrtýdy aldy. Memleket basshysy AQSh Prezıdentiniń atyna jaýap hat joldap, shynaıy rızashylyǵyn bildirdi jáne atalǵan jańa birlestiktiń quramyna kirýge kelisetinin jetkizdi. Prezıdent Qazaqstannyń Taıaý Shyǵysta myǵym beıbitshilikke qol jetkizýge jan-jaqty úles qosýǵa, memleketaralyq senim men jahandyq turaqtylyqty nyǵaıtýǵa umtylatynyn rastady», dedi Rýslan Jeldibaı.
Aıta keteıik, Aqorda Prezıdent Qasym-Jomart Toqaevtyń Donald Tramppen, Izraıldiń Premer-Mınıstri Bınıamın Netanıahýmen telefon arqyly sóıleskenin habarlaǵan.
