ASTANA. 24 naýryz. Eki kúnnen beri birqatar shet eldik hakerler t Qazaqstan ınternet-resýrstaryna jappaı shabýyl jasap jatyr. Búgin tús aýa osyndaı shyrǵalańǵa túse bastaǵan saıttar sany 14-ke jetti. Bul týraly ras.kz habarlady.
Internet mamandary sonymen bir mezgilde bul shabýylǵa qosylýshy hakerler sanynyń da arta bastaǵanyn aıtady. Biz budan buryn Túrkııa men Ázerbaıjannyń, sondaı-aq Iran men Brazılııanyń azamattary hakerlik jasap jatqandaryn málimdegen edik. Keıin olardyń qatary Albanııa, Saýd Arabııasy, Sırııa jáne ázirge attaryn anyqtalmaǵan taǵy birneshe memlekettiń ókilderimen tolyqqany belgili boldy.
«Túrkııa, Ázerbaıjan, Iran, Albanııa, Saýd Arabııasy, Brazılııa, Sırııa jáne birneshe memleketi belgisiz hakerler qazaqstandyq saıttarǵa qyrǵıdaı tııýde. Qazir shabýylǵa tap bolǵan saıttardyń sany 14-ke jetip otyr», - delingen habarlamada.
Osy jaǵdaıdy qazir «Egemen Qazaqstan» gazetiniń veb-baǵdarlamashysy О́rken Musabekuly muqııat qadaǵalap otyr. Ol ınternet-resýrsty shabýyldan saqtap qalýdyń barlyq sharalary qarastyrylyp jatqanyn jetkizdi.
«Hakerler shabýyl barysynda saıttyń negizgi betine ǵana ózgerister jasaǵan, saıttyń málimetter bazasynda eshqanda ózgeris joq. Osyǵan qaraǵanda, olar tek ózderiniń myqty ekenin kórsetý maqsatynda shabýyldardy uıymdastyrǵan sııaqty. Hakerler negizinen wordpress-tiń PHP olqylyqtary arqyly FTP ishindegi .htaccess faılyna ózgeris jasap, FTP basqarý quqyǵyna ıe bolǵan, sosyn braýzer FTP qosymshasy arqyly ózi qalaǵan betterdi saıttyń INDEX.PHP faılymen aýystyrý arqyly maqsatyna jetken», - dedp atap kórsetti О́rken Musabekuly óziniń sózinde.
Murat Aıtqoja.
Hakerler shabýylyna ushyraǵan qazaqstandyq saıttar tizimi
| Saıttar |
Shabýyl jasaýshylar |
Memleketter |
| http://www.fmk.kz/ |
Erfan Nikotin |
Iran |
| http://moldas.kz/ |
Ho3!en-Mojazat |
Siyahi |
| http://gad.kz/ |
angarali |
Turkish |
| http://ddv.kz/ |
dionzz |
ALbanian |
| http://www.asyl-tulik.kz/ |
S3N4T0R |
Azerbaijan |
| http://www.puppet.kz/ |
Bl00dy |
Belgisiz |
| http://www.kazbrand.kz/ |
Siteye Erisim |
Turkish |
| http://www.moib.kz/ |
Yaramazadam |
Belgisiz |
| http://www.kibris-premier-estate.kz/ |
HighTech |
Brazil |
| http://www.hc.kz/club/ |
HEXB00T3R |
Turkish |
| http://mekenbayeva.kz/ |
Banzell |
Turkish |
| http://www.tiensmed.kz/ |
MS13 |
Belgisiz |
| http://akkum-but.kz/productiont/hacked-crazy-hacker |
CrAzY |
Saudi Arabia |
| http://kalkamansarin.kz/ |
simpleS |
Belgisiz |
