Prezıdenttiń aıtýynsha, tekseris barysynda qor qyzmetinen memleket qarajatyn orasan zor kólemde jymqyrý maqsatynda jasalǵan qujattardy qoldan jasaý jáne ótirik málimet qosý sııaqty faktiler anyqtalǵan. Memleket basshysy búkil el ekonomıkalyq ósim men ınfraqurylymdyq jobalardy damytýǵa kúsh salyp jatqanda, áleýmettik salaǵa bólingen qarjynyń talan-tarajǵa túsýine jol berilmeıtinin qadap aıtty.
«Mindetti medısınalyq saqtandyrý qoryn Qarjy mınıstrliginiń qaramaǵyna berý týraly Úkimettiń sheshimin qoldaımyn», dedi Qasym-Jomart Toqaev.
Memleket basshysy 2024–2025 jyldary densaýlyq saqtaý salasyn damytýǵa memleket tarapynan 7,8 trln teńge bólingenin eske saldy. Bul shyǵyndar eń aldymen azamattardyń ómir súrý sapasyn jaqsartýǵa jáne «Ádiletti Qazaqstan» qurý strategııasyna negizdelgen. Osyǵan baılanysty Prezıdent quqyq qorǵaý organdaryna jemqorlyq shemalarynan paıda kórgen barlyq tulǵalardy anyqtaýdy tapsyrdy.
Qasym-Jomart Toqaev qorda anyqtalǵan kemshilikterdi áleýmettik sala basshylarynyń kásibıliginiń tómendiginen jáne olardyń memleket múddesine degen beıjaılyǵynan dep baǵalady. Endi bul saladaǵy qarjynyń jumsalýy Qarjy mınıstrliginiń tikeleı baqylaýynda bolady.
Eske salaıyq, Memleket basshysy jańa Parlamenttiń ataýyn «Quryltaı» dep ataýdy usyndy.
