Atalǵan organnyń baılanys qyzmetiniń habarlaýynsha, praktıkalyq emtıhan kezinde júrgizýshi kýáligin alýǵa kelgen úmitker tapsyrmalardyń birin oryndaý barysynda kólik quralyn basqarýda qatelik jiberip, sonyń saldarynan kólik aýdarylyp ketken.
Mamandandyrylǵan HQKO qyzmetkerleri jedel járdem kóligi jetkenshe oqıǵa ornynda alǵashqy medısınalyq kómek kórsetken. Úmitkerdiń jaǵdaıy qazirgi tańda qanaǵattanarlyq dep baǵalanyp otyr.
Atalǵan oqıǵa memlekettik qyzmet kórsetý úderisine áser etken joq, búgingi tańda praktıkalyq emtıhan kúndelikti kestege saı qabyldanyp jatyr deıdi HQKO mamandary.
Osy oraıda halyqqa qyzmet kórsetý ortalyǵynyń ókilderi praktıkalyq emtıhanǵa avtomektepterde oqýdan ótken, kólik quralyn basqarýǵa daıyndyǵyn rastaǵan, tapsyrmalardy óz betinshe oryndaýǵa qabiletti tulǵalar ǵana jiberiletinin eske saldy.
