Oraldaǵy Naýryz merekesinde Qazaqstan týy kóringen joq

ASTANA. 24 naýryz. Batys Qazaqstan oblysynyń ortalyǵy - Oral qalasynda keshegi Naýryz merekesin toılaý kezinde kóshelerden elimizdiń birde-bir týy kórinbegen. Munyń  esesine, kórshi eldiń – Reseıdiń jalaýshalary ár saýda oryndarynyń tóbesinde jelmen oınap, jelbirep turǵan. Bul týraly jergilikti «Ýralskaıa nedelıa» gazetiniń deregine súıengen ras.kz habarlady. Oblystaǵy «Aqsaı portaly» atty saıt osyndaı derekterin keltire otyryp, munyń neni bildiretinin suraıdy. Resýrs tilshisi bul boıkúıezdik memlekettik sımvoldy zańsyz paıdalanýdan qoryqqannan shyqqan ba, degen suraq qoıady. Al ras.kz «Oral qashannan beri Reseıdiń jeri bolǵan?» degen suraqty qabyrǵadan qoıady. Rasynda da Reseıdiń jalaýshalary Qazaqstan jerinde qaıdan júr? Olardy munda satýǵa kim ruqsat bergen? Bul álde nasıhattyń bir túri me? Oqyrmandar qazir osyndaı suraq qoıyp otyr. Qurysh Nurymbet.