Foto Depositphotos.com
Bankomattardaǵy kameralar qaýipsizdik maqsatynda ornatylǵan. Kameralar alaıaqtyq pen urlyqtyń aldyn alýǵa kómektesedi.
«Olar alaıaqtyq pen urlyqtyń aldyn alýǵa kómektesedi, sondaı-aq oqıǵalardy tergeý barysynda klıentterdiń jáne yqtımal qaskúnemderdiń áreketterin tirkeý úshin qoldanylýy múmkin. Beınejazbalardy saqtaý daýly jaǵdaılar nemese quqyqbuzýshylyqtar kezinde dálel retinde qyzmet etedi, sonymen qatar bankterdiń klıentterin de, qarjy uıymdarynyń ózin de túrli qaýip-qaterden qorǵaýǵa múmkindik beredi», delingen habarlamada.
Bul talaptar 2016 jyldan beri qoldanylyp keledi. Oǵan sáıkes bankomattarda karta ustaýshynyń bet-júzin tirkeıtin keminde 1 kamera ornatylýy tıis. Al 2026 jylǵy 1 qańtardan bastap bankter beınejazbalardy keminde 180 kúntizbelik kún saqtaý mindetine ıe boldy.
Ortalyqtyń málimetinshe, qolma-qol aqsha sheshý jıiligi men somasyna qaramastan, bankomat arqyly aqsha alatyn azamattardy qosymsha tirkeýge qatysty zańnamada ózge talaptar qarastyrylmaǵan.
