Foto: Whitehouse.gov
Daily Mail basylymynyń málimetinshe, AQSh basshysy Dúnıejúzilik ekonomıkalyq forýmǵa qatysý úshin Davosqa ushyp bara jatqan sátte prezıdent ushaǵy kúrt keri burylyp, Merılend shtatyndaǵy Endrıýs birikken áýe bazasyna qonǵan. Buǵan «elektr symdaryndaǵy aqaý» sebep bolǵany aıtyldy.
Ushaq bortynda Tramp ákimshiliginiń músheleri bolǵan. Olardyń qatarynda memlekettik hatshy Marko Rýbıo, ákimshilik basshysy Sıýzı Ýaılz, keńesshi Stıven Mıller, Lıvıtt, kommýnıkasııalar jónindegi dırektor Stıven Chang jáne protokol qyzmetiniń jetekshisi Monıka Kroýlı bar.
Tramp Qasym-Jomart Toqaevty Gaza boıynsha Beıbitshilik keńesiniń múshesi bolýǵa shaqyrdy
Ushaqtyń Sıýrıh qalasyna qonýy kútiledi, odan keıin Tramp tikushaqpen Davosqa attanady. Bul qalada jyl saıyn kóptegen mıllıarderler jınalatyn Dúnıejúzilik ekonomıkalyq forým ótedi.
Ushar aldynda Tramp Truth Social áleýmettik jelisinde «Amerıka Davosta laıyqty túrde usynylady. Qudaı barshańyzdy jarylqasyn!» dep jazǵan edi.
Tramp buǵan deıin de Air Force One ushaǵynyń kólemi men zamanaýılyǵyna qatysty narazylyq bildirgen bolatyn.
