Foto: Ashyq derekkóz
Tergeý málimetteri boıynsha, 45 jastaǵy Tesýıa Iаmagamı 2022 jyldyń 8 shildesinde Nara qalasynda saılaýshylar aldynda sóz sóılep turǵan saıasatkerge eki ret oq atqan. Qaskóı oqıǵa ornynda ustalyp, keıin oǵan psıhıatrııalyq saraptama taǵaıyndaldy. Iаmagamı Sındzo Abeni «Shirkeý birlestigi» uıymyna qatysy bar dep eseptegen. Onyń aıtýynsha, anasy atalǵan uıymǵa iri kólemde qaıyrymdylyq jasap, saldarynan barlyq jınaq aqshasynan aıyrylǵan. 2025 jyldyń qazan aıynda ótken alǵashqy sot otyrysynda sottalýshy óz kinásin moıyndady.
Ońtústik Koreıa prezıdentine jasalǵan qastandyq «terakt» dep tanyldy
Sotta prokýrorlar ony ómir boıyna bas bostandyǵynan aıyrýdy surady. Al qorǵaýshy tarap Iаmagamıdi «dinı zorlyq-zombylyqtyń qurbany» dep atap, jazany 20 jylǵa deıin jeńildetýdi ótindi. Advokattar qylmystyń jasalýyn sottalýshynyń balalyq shaǵyndaǵy qıyndyqtarymen jáne onyń qoldan jasalǵan qurylǵyny paıdalanýyna baılanysty «otty qarý týraly zańdy» buzbaǵanymen negizdeýge tyrysty.
Japonııadaǵy kezekten tys saılaý: Premer-mınıstr parlamentti taratý týraly sheshim qabyldady
Tesýıa Iаmagamı eks-premerge degen jekkórinishin moıyndaǵanymen, bastapqyda uıym jetekshilerine shabýyl jasaýdy josparlaǵanyn aıtty. Alaıda aıyptaýshy tarap bul ýájderdi qabyldamady.
Bul jaǵdaı Japonııada 1960 jyldary Ońtústik Koreıadan kelgen «Shirkeý birlestiginiń» qyzmetin tekserýge túrtki boldy. 2025 jyldyń naýryzynda Tokıo soty atalǵan uıymdy dinı korporasııa mártebesinen aıyrdy.
