Erkebulan Qoıshybaevtyń aıtýynsha, jalǵan saıt pen ınternet-dúken ashyp, «jumys» nemese «ınvestısııa» degen jeleýmen azamattardy aldaıtyndar kóbeıgen. Ásirese, aqsha tabýǵa úndep, bank pen qaýipsizdik qyzmetiniń ókili bolyp qońyraý shalatyndar kóp kezdesedi.
Mundaı qylmystarǵa qarsy is-qımyl jasaý úshin «Kıbernadzor» aqparattyq júıesi qoldanylady. Onyń kómegimen zııandy kontenti bar resýrstardy qosa alǵanda, 17,6 myńnan astam saıt pen silteme buǵattalypty.
Tegin kitaptar qaýipti: Bas prokýratýra ınternet-alaıaqtyqtyń jańa túri týraly eskertti
Mundaı jaıttardyń jolyn kesý úshin birqatar shara qolǵa alynǵan.
Bankomattardyń mańyna polısııa qyzmetkerleriniń 355 maketi qoıylyp, 470 banner ornatylǵan. 1 400-den astam beınerolık ázirlenip, 3 400-den astam dáris ótkizilgen.
«Internet-alaıaqtyqpen kúresý polısııanyń ǵana jumysy emes, onymen ár adam kúresýi kerek, saqtanýy kerek. Kodty, paroldi, kartadaǵy derekti eshkimge aıtpańyz, kúmándi siltemelerge jolamańyz. Kúmán týsa birden polısııaǵa, bankke júgingen jón», dep eskertti Erkebulan Qoıshybaev.
Spıker sondaı-aq qalalyq ákimdik, qoǵamdyq uıymdar, bankter men bilim beretin mekemelermen birlesip, qazir barlyq jastaǵylardy qamtıtyn aýqymdy aldyn alý jumysy da qolǵa alynǵanyn atap ótti.
