iVision Tech toby fransýzdyq premıým sanattaǵy Henry Jullien brendiniń ıesi. Kompanııanyń málimetinshe, Makron taqqan model − Pacific S 01. Atalǵan kózildiriktiń resmı saıttaǵy baǵasy 659 eýro, ıaǵnı shamamen 770 dollar.
Beıbitshilik keńesi BUU-ǵa balama qurylymǵa aınalýy múmkin be?
Kompanııa bas dırektory Stefano Fýlchır Reuters agenttigine bergen túsiniktemesinde:
«Bul jaǵdaı aksııaǵa shyn máninde tańdaı qaqtyrarlyq áser berdi», dedi. Onyń aıtýynsha, aksııa baǵasynyń ósýi nátıjesinde ıtalııalyq kompanııanyń naryqtaǵy kapıtalızasııasy shamamen 3,5 mln eýroǵa, ıaǵnı 4,1 mln dollarǵa artqan.
Makronnyń syrt kelbetine qatysty memder men pikirler áleýmettik jelilerde qarsha jaýdy. Kópshilik ony 1986 jyly jaryq kórgen Top Gun fılmindegi Tom Krýzdyń beınesimen salystyrdy.
Tipti AQSh-tyń burynǵy prezıdenti Donald Tramp ta bul taqyryptan tys qalmady.
Prezıdenttiń keńsesi kózildiriktiń jabyq ǵımaratta taǵylýyn kózdegi qan tamyrynyń jarylýymen baılanystyrdy. Alaıda kózildiriktiń naqty brendi resmı túrde rastalmady. Soǵan qaramastan, Stefano Fýlchır bul Henry Jullien ónimi ekenine kúmáni joq ekenin aıtyp, atalǵan kózildirikti Makronǵa 2024 jyly ózi joldaǵanyn jetkizdi.
Mılanda tirkelgen kompanııanyń aksııalary sársenbi kúni aldymen shamamen 6 paıyzǵa ósip, keıin saýda avtomatty túrde toqtatylǵan. Beısenbi kúni GMT ýaqytymen 11:15 shamasynda qaıta saýdaǵa túsip, kóp uzamaı taǵy da toqtatyldy. Nátıjesinde aksııalar bir kúndik ósim boıynsha kompanııa tarıhyndaǵy eń joǵary kórsetkishke jaqyndady.
Davostaǵy Dúnıejúzilik ekonomıkalyq forým alańynda taǵylǵan bir aksessýardyń ózi naryqta osyndaı áser týdyrdy. Bul jaǵdaı saıasat, stıl jáne qor naryǵynyń qalaı toǵysa alatynyn aıqyn kórsetti.
