AQSh-ta 22 jyl ólim jazasyn kútken áıel aqtalyp shyqty

ASTANA. 24 naýryz. Osydan 22 jyl buryn óz balasyn óltirdi dep aıyp taǵylyp, qamaýǵa alynǵan Debra Mılke esimdi Arızona shtatynyń turǵyny bostandyqqa shyqty. Bul týraly anspress.com habarlady. Habarlamada kórsetilgendeı, 1989 jyldyń sońynda álgi áıeldiń balasyn eki er adam –Djeıms Staıers pen Rodjer Skott urlap áketip, Fınıks qalasynyń mańynda óltirgen. Sodan, tergeý-tekserý barysynda Mılke qamaýǵa alynady. О́ıtkeni, quqyq qorǵaý oryndary tarapynan oǵan óz balasyn óltirýge tapsyrys berdi degen jala jabylǵan. Dáliregi, tergeýshi Armando Saldate aıyptalýshy balasynyń ajyrasqan kúıeýimen qalýyn jaratpaǵandyqtan, osyndaı áreketke barǵan degen uıǵarymǵa kelgen. Sondaı-aq, sot balany óltirgen ekeýdiń bala qazasyna Mılkeniń esh qatysy joq ekenin aıtqanyna qulaq aspaǵan. Buǵan qosymsha, tergeýshi álgi áıelden jaýap alǵan kezde zańsyzdyqqa jol bergen. О́ıtkeni, tergeý amaldary barysynda jazyqsyz áıel aýrýhanada aýyr halde tósek tartyp jatypty. Qoryta aıtqanda, sońǵy sot úkimi boıynsha Mılkeniń jazyqsyz ekeni dáleldengen. Osylaısha, ómiriniń 22 jylǵa jýyq bóligin túrmede ólim sátin kútip ótkizgen áıel 51 jasynda aqtalyp shyqty. 20 jyldan astam ýaqytyn abaqtyda ólim jazasyn kútýmen ótkizgen 51 jastaǵy áıel bostandyqqa shyqty. Ol túrmeden bosatylǵan sátte: «О́zimdi jaqsy sezinip turmyn» depti. Joldybaı Bazar. Derek, sýret: anspress.com.