AQSh-ta sıyrǵa jasandy aıaq salyndy (vıdeo)

ASTANA. 25 naýryz. Úı janýarlaryn emdeıtin Nıý-Iork qalasynyń soltústigindegi Woodstock Farm Animal Sanctuary atty qurylymda aldyńǵy eki aıaǵyn basa almaıtyn sıyrǵa protez salyndy. Bul týraly vesti.ru habarlady. Qazirgi tańda álgi jasandy aıaqty sıyr týraly túsirilgen beınejazba áleýmettik jeliler arqyly jahanǵa jaıylyp ketti. Bul kórsetilimdi qyzyǵa tamashalaǵandardyń esebi joq. Tyń «týyndyny» YouTube jelisine Woodstock Farm Animal Sanctuary mekemesi ornalastyrypty. Sıyr alǵashqyda jasandy aıaqpen kibirtiktep júre almaıdy. Degenmen, sapaly ári yńǵaıly jasalǵan protezge janýar úırenip qalǵan. Oǵan jasandy aıaqty kúnine 2 saǵat kıgizedi eken. Faýn dep atalatyn bul sıyr enesinen týǵan sátten aldyńǵy eki aıaǵyn basa almapty. Endi mine, janýarlardy qorǵaýshylar oǵan tórt aıaqtap júrýge múmkindik berip otyr. Jalpy, júrip-turý múmkindigi joq nemese oqystan qıyndyqqa tap bolǵan janýarlarǵa adamdardyń kóńil aýdaryp, kómek qolyn sozýy kóp kezdesedi. Adamzat meıiriminiń nátıjesinde tirshiligin qalypty kúıde jalǵastyrǵan maqulyqtar týraly mysaldar kóp. Máselen, Taılandta mınaǵa túsip qalyp, aıaǵynan aıyrylǵan analyq pilge mal dárigerleri protez jasap bergen. Sodan, álgi pil jasandy aıaqty jatyrqamastan, oǵan tez úırenip, kádimgideı júrip ketken kórinedi. Joldybaı Bazar. Derek, sýret: vesti.ru. https://youtu.be/LsGtMqVk8Xs