Foto: Eńbek jáne halyqty áleýmettik qorǵaý mınıstrligi
Basqosýda koreı tarapy «EP S» (Employment Permit System) baǵdarlamasynyń jumys tártibimen tanystyryp, onyń Koreıada jumys kúshi tapshy salalarǵa sheteldik azamattardy zańdy túrde tartýǵa baǵyttalǵanyn atap ótti. Osy oraıda Qazaqstannyń atalǵan júıege qosylý múmkindigi keńinen talqylandy.
Eńbek mınıstrligi Ońtústik Koreıada júrgen Qazaqstan azamattaryna úndeý jasady
Qazaqstan tarapynan júrgizilip jatqan daıyndyq jumystary jóninde Almaty oblysynyń mobıldi eńbek ortalyǵynyń dırektory Abylaı Zýaıda málimet berdi.
«Qazirgi tańda kelissózderdiń ekinshi kezeńi ótip jatyr. Birinshi kezeńde taraptar prezıdentter deńgeıinde memorandýmǵa qol qoıǵan bolatyn. Al ekinshi kezeńde Qazaqstannyń jumys kúshin Koreıaǵa jiberýge qanshalyqty daıyn ekeni baǵalanady. Osy maqsatta koreı delegasııasy arnaıy kolledjder men oqý ortalyqtaryn aralap, daıyndyq deńgeıimen tanysyp jatyr. Eger barlyq talaptar oń baǵalanyp, kelissózder sátti aıaqtalsa, aldaǵy ýaqytta tolyqqandy memorandýmǵa qol qoıý josparlanǵan», dedi ol.
Mamandardyń pikirinshe, baǵdarlamaǵa qosylǵan jaǵdaıda óńirde arnaıy oqý ortalyqtaryn ashý josparlanyp otyr. Qazir osy baǵytta tıisti nysandarmen tanysý jáne ınfraqurylymdy múmkindikterdi baǵalaý jumystary júrgizilip jatyr. Almaty oblysynyń ákimi bul bastamanyń turǵyndardy zańdy jumyspen qamtýǵa jáne halyqaralyq eńbek tájirıbesin ıgerýge jol ashatynyn atap ótti.
Eńbek naryǵyndaǵy sáıkessizdik: Bos jumys orny kóp pe álde jumyssyzdar ma?
Al koreı tarapy túpkilikti sheshim barlyq daıyndyq kezeńderi aıaqtalǵannan keıin Koreıa Respýblıkasynyń vedomstvoaralyq komıssııasynda qabyldanatynyn jetkizdi.
Almaty oblysy
