Foto: Aqorda
«Tehnologııanyń qarqyndy damýy aqparattyq keńistiktiń túbegeıli transformasııasyna jol ashady. Qoǵamdy jikke bólip, azamattardy bir-birine qarsy qoıatyn destrýktıvti aqparat taratýǵa beıil adamdar da bar. Munyń bári óshpendilikke bastaıtyn eshkimge qajetsiz, tipti qaýipti pikirtalasqa jalǵasady. Jasandy ıntellektini osyndaı adamdar aqparattyq qarýǵa aınaldyryp, zańǵa qaıshy keletin kontentterdi kóptep tarata bastaıdy. Buǵan jol berýge bolmaıdy. Ondaı áreketterge quqyqtyq baǵa berip, jaýapkershilikke tartý qajet. Azamattarǵa destrýktıvti kontentti taratýdyń quqyqtyq saldary jóninde únemi túsindirý jumystaryn júrgizgen jón», dedi Qasym-Jomart Toqaev.
Sonymen qatar Prezıdent óz sózinde otanshyldyq pen ásireultshyldyqtyń arajigin bilýge shaqyrdy.
«Ulttyq quryltaı otyrysynda men otanshyldyq uǵymy týraly pikirimdi aıttym. Otanshyldyq, bul jaı uran emes, otanshyldyq degenimiz – qasıetti sezim, munyń ásireultshyldyqqa esh qatysy joq. Qazaqstanda biz otanshyldyq uǵymyna jaýapkershilik jáne jasampazdyq turǵysynan qaraýymyz kerek, ıaǵnı otanshyl azamat eń aldymen jaýapkershiligi joǵary jáne jasampaz azamat bolýǵa tıis. Otanǵa degen súıispenshilik – saıası upaı jınaý nemese qyzmettik mansap jasaý emes, bul – Otanyńa jaqsylyq jasaý, elińe paıda ákelý degen sóz», dedi Memleket basshysy.
Sonymen qatar jıynda Bas prokýror Berik Asylov, Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev, Prezıdenttiń kómekshisi Qýanyshbek Esekeev, Ishki ister mınıstri Erjan Sádenov sóz sóıledi.
Memleket basshysy: Quqyq qorǵaý júıesin sıfrlandyrý júıesiz júrgizilip jatyr
Jıynda Qasym-Jomart Toqaev prokýratýra qyzmetkeriniń zańnyń buzylýyna selqos qaraýǵa quqyǵy joq ekenine nazar aýdardy.
