Aımaqtar • 26 Qańtar, 2026

Eki oblysta kólik qozǵalysyna shekteý qoıyldy

22 ret

kórsetildi

1 mın

oqý úshin

Búgin saǵat 16:00-den bastap aýa raıynyń qolaısyzdyǵyna baılanysty Atyraý jáne Mańǵystaý oblystarynan ótetin respýblıkalyq tasjolda kóliktiń barlyq túriniń qozǵalysy shekteldi, dep jazady Egemen.kz.

Dana MYRZAQADIR

Eki oblysta kólik qozǵalysyna shekteý qoıyldy

Foto: Ashyq derekkózden

Atyraý oblysyndaǵy «Dossor – Qulsary – Beıneý – Saı-О́tes – Shetpe – Jetibaı – Aqtaý» tasjolynyń 179-210 shaqyrym aralyǵynda (Maıkómgen aýylynan Mańǵystaý oblysynyń shekarasyna deıin) kólik qozǵalysy jabyldy.

Mańǵystaý oblysyndaǵy «Dossor – Qulsary – Beıneý – Saı-О́tes – Shetpe – Jetibaı – Aqtaý» tasjolynyń 210-332 shaqyrym aralyǵynda (Atyraý oblysy shekarasynan Beıneý aýylyna deıin) da kóliktiń barlyq túri úshin qozǵalys shekteldi.

«QazAvtoJol» kompanııasynyń málimetinshe, joldy búgin saǵat 20:00-de ashý josparlanǵan.

«Qazgıdromet» RMK búgin Mańǵystaý oblysynyń batysynda, soltústiginde, ortalyǵynda túnde jáne kúndiz kóktaıǵaq boljanǵan. Oblystyń batysynda, ońtústiginde, ortalyǵynda tuman túsip, Aqtaýda da kóktaıǵaq bolatynyn habarlaǵan. Al Atyraýda qar borap, burqasyn bolatyny boljanǵan.

Eske salaıyq, búgin aýa raıynyń qolaısyzdyǵyna baılanysty Batys Qazaqstan, Pavlodar, Aqmola jáne Qostanaı oblystarynyń oqýshylary onlaın oqý formatyna kóshirildi.