Foto: primeminister.kz
Depýtat konstıtýsııalyq reforma arqyly «Halyq únine qulaq asatyn memleket» tujyrymdamasynyń zańdy irgetasyn qalanyp jatqanyn atap ótti.
«Tarıhqa úńilsek, babalarymyz «Jeti jarǵyny» qabyldaǵanda da, Kúltóbeniń basynda kúnde keńes qurǵanda da, basty maqsat – eldiń tutastyǵy men ádildigi bolǵan. Búgingi bizdiń saıası reformadaǵy negizgi mindetimiz – halyqtyń múddesin qorǵaıtyn, ýaqyt synyna tótep beretin minsiz zańnamalyq júıe qurý. Bul jaı ǵana qujattardy retteý emes, bul el taǵdyryn sheshetin jaýapty qadam», dedi Serik Egizbaev.
Elnur Beısenbaev: Konstıtýsııalyq reforma saıası partııalardyń ınstıtýsıonaldyq rólin arttyrady
Onyń pikirinshe, qabyldanyp jatqan árbir norma bolashaq urpaqtyń erkin de ádiletti qoǵamda ómir súrýine tikeleı áser etedi. Osy joldaǵy eń basty strategııalyq qadam − birpalataly Parlament modeline bet burý jáne saılaý júıesin tolyq proporsıonaldy negizge, ıaǵnı partııalyq tizimderge kóshirý bolmaq.
«Buryn depýtat jeke tulǵa retinde ǵana jaýapty bolsa, endi ol úlken saıası uıymnyń, naqty ıdeologııa men partııalyq baǵdarlamanyń atynan sóıleıdi. Memleket basshysynyń óz kvotalarynan bas tartyp, ókilettilikterdi Parlamentke berýi − saıası partııalarǵa artylǵan úlken senim ári zor jaýapkershilik», dep tolyqtyrdy depýtat.
Qańtar aıynda «Aýyl» partııasynyń depýtattyq toby barlyq 20 óńirdi aralap, sharýalarmen kezdesken.
«Tipti eń shalǵaı aýyldardyń ózinde turǵyndar Parlament pen Úkimettiń jumysyna muqııat nazar aýdaryp otyr. Al Konstıtýsııalyq reforma boıynsha túsken eki myńnan astam usynys – jaı ǵana statıstıka emes. Bul qoǵamnyń jańarýǵa, demokratııalyq bastamalardy kúsheıtýge jáne ádildikke degen tikeleı suranysy. Halyq kútip otyr, halyq senip otyr jáne bul úmitterdi aqtamaýǵa quqymyz joq. Halyqtyń amanaty bizden quqyqtyq júıeni jańartyp qana qoımaı, oǵan túbegeıli jańa, zamanaýı mazmun berýdi talap etedi», dedi Komıssııa múshesi.
Únzıla Shapaq: Konstıtýsııanyń preambýlasyn jańartý eldiń ıdeologııalyq baǵytyn aıqyndaıdy
Sonymen birge, Májilis depýtaty ekologııalyq qundylyqtardy Ata zań deńgeıinde ulttyq basymdyq retinde bekitýdi, Konstıtýsııa preambýlasyn jańa redaksııada qabyldaýdy, 31-bapqa azamattardyń tabıǵatty saqtaý mindetin engizýdi jáne 61-bap boıynsha ekologııany qorǵaý zańdaryn retteý quzyretin nyǵaıtýdy usynyp otyr.
Nurlan Beknazarov: Quryltaıdyń kelisiminsiz depýtatty jaýapkershilikke tartýǵa bolmaıdy
