Foto: Ashyq derekkóz
Onyń aıtýynsha, másele taýardyń sapasynda emes, burynǵy jyldardaǵy qujattardy rásimdeý men lokalızasııalaý úderisterine qatysty quqyqtyq túsindirmelerde bolyp otyrǵanyn jetkizdi.
«Biz jetkizetin barlyq jabdyq – naqty, zaýytta óndirilgen, paıdalanýǵa berilgen jáne el boıynsha medısınalyq qyzmetkerler kúndelikti qoldanyp júrgen tehnıka. Mundaı sotqa deıingi aıyptaýlar kompanııanyń iskerlik bedeline nuqsan keltiredi, alaıda «OrdaMed» AQ shtattyq rejımde jumysyn jalǵastyryp, dárigerler, pasıentter, seriktester men memleket aldyndaǵy jaýapkershiligin atqaryp keledi», deıdi kompanııa basshysy túsiniktemesinde.
Erkin Dilimbetov kompanııa sotqa deıingi tergeý materıaldaryna ıe emestigin jáne olardy jarııalamaıtynyn, tek iskerlik bedelin qorǵaý aıasyndaǵy óz ustanymyn bildiretinin atap ótken.
Sondaı-aq resmı málimdemede «OrdaMed» kompanııasynyń naryqta 20 jyldan astam ýaqyt boıy jumys istep kele jatqany, elimizdegi memlekettik jáne jekemenshik aýrýhanalar men klınıkalarda kún saıyn paıdalanylatyn myńdaǵan medısınalyq jabdyqty jetkizip, qyzmet kórsetkeni aıtylǵan.
«Kompanııa óndiris pen servıstik jelini belsendi túrde keńeıtip, salany damytýǵa jáne medısınalyq qyzmet sapasyn arttyrýǵa ınvestısııa salyp keledi.Tergeý birneshe jyldan beri jalǵasyp jatqanyna qaramastan, UQK tarapynan jarııa aıyptaýlar tek qazir ǵana paıda boldy. Bul tergeý OrdaMed básekelesteriniń shaǵymdaryna negizdelgen jáne onyń túpki nátıjesinde naqty zańbuzýshylyqtar emes, ınnovasııa engizip, ashyq jumys isteıtin iri naryq oıynshysynyń damýyn tejeý áreketi jatqandaı áser qaldyrady», delingen resmı túsiniktemede.
Farmasevtıka salasyndaǵy bylyq: Jalǵan qujatpen medısınalyq jabdyqtar jetkizgen kompanııa anyqtaldy
