Prezıdent • 27 Qańtar, 2026

Memleket basshysy Konstıtýsııalyq komıssııanyń tóraǵasyn qabyldady

20 ret

kórsetildi

1 mın

oqý úshin

Prezıdent Qasym-Jomart Toqaev Konstıtýsııalyq komıssııa tóraǵasy – Konstıtýsııalyq sot tóraǵasy Elvıra Ázimovany, Konstıtýsııalyq komıssııa tóraǵasynyń orynbasary – Memlekettik keńesshi Erlan Qarındi jáne Konstıtýsııalyq komıssııa múshesi – Prezıdenttiń quqyqtyq máseleler jónindegi kómekshisi Erjan Jıenbaevty qabyldady, dep habarlaıdy Egemen.kz Aqordanyń baspasóz qyzmetine silteme jasap.

Qyrmyzy JUMAǴALIQYZY

Memleket basshysy Konstıtýsııalyq komıssııanyń tóraǵasyn qabyldady

Foto: Aqorda

Memleket basshysyna Konstıtýsııalyq komıssııanyń buǵan deıin ótken otyrystarynyń nátıjesi týraly málimet berildi. Elvıra Ázimova Komıssııa qyzmetiniń ashyqtyǵyn qamtamasyz etý maqsatynda barlyq otyrys medıa keńistikte, sonyń ishinde arnaıy telegramm arnalary arqyly tikeleı kórsetilip jatqanyn baıandady.

Konstıtýsııalyq reforma jónindegi komıssııanyń alǵashqy otyrysy bastaldy

Konstıtýsııalyq komıssııa tóraǵasy jarty jyl boıy Konstıtýsııalyq reformalardy qoǵamdyq talqylaý ótkizilgenin aıtty. Elektrondy platformaǵa azamattardan, quqyqtanýshy ǵalymdardan, sarapshylardan, zańgerlerden, saıası partııalardan, úkimettik emes uıymdardan, kásiptik jáne bıznes qaýymdastyqtardan 2 myńnan asa usynys pen bastama kelip túsken.

Elvıra Azımova Konstıtýsııalyq reformanyń basty maqsaty men mindetterin atady

Osyǵan deıingi otyrystarda Komıssııa músheleri Konstıtýsııa preambýlasynyń túbegeıli jańa redaksııasyn, birqatar baptardy jáne bólimderdi ázirlep, qarastyrdy.

Memlekettik keńesshi: Konstıtýsııalyq reformaǵa qatysty túpkilikti sheshim jalpyhalyqtyq referendýmda qabyldanady

Memleket basshysy aldaǵy Konstıtýsııalyq reforma elimizdiń damýyna tyń serpin beretinin atap ótti. Al Komıssııa jumysy Konstıtýsııalyq reformalardy iske asyrýda óte mańyzdy ról atqaratynyn jetkizdi.