Nemis pılottary Airbus ushaǵymen ushýdan bas tartyp jatyr

ASTANA. 25 naýryz. Seısenbi kúni A320 laıneri fransýzdyń Alpi taýlaryna soǵyp, apat bolǵan nemistiń Germanwings kompanııasynyń ushqyshtary Airbus ushaqtarymen reıs jasaýdan bas tartyp jatyr. Bul týraly nemistiń Spiegel Online basylymy jazdy. «Nemistiń Germanwings avıakompaınıasynyń Dıýsseldorf, Shtýtgart jáne Berlın aeroporttaryndaǵy birqatar ekıpajdar Airbus áýe kemelerimen reıster jasaýdan bas tartýda», - delingen maqalada. Buqaralyq aqparat quraldary jolaýshylardyń málimetterine súıene otyryp, apatqa ushyǵan aerobýstyń Barselonadan baǵyt alyp kele jatqan Dıýsseldorf qalasyndaǵy aeroportynda seısenbi kúni ushýǵa daıyn turǵanymen, kóptegen ushaqtardyń áýege kóterilmeı turyp qalǵandaryn jetkizdi. Germanwings kompanııasynyń ústinen qaraıtyn Lufthansa kompanııasynyń ókili seısenbi kúni shynynda da kóptegen reıstiń oryndalmaı qalǵanyn rastap, olardyń báriniń «jeke sebepterden» bolǵanyn aıtty. Aıta keteıik, apatqa ushyraǵan aerobýs zaýyttan 1991 jyly shyqqan eken. Ol kompanııadaǵy eń kóne laınerlerdiń biri bolyp sanalǵan. Murat Aıtqoja. Mánbe, sýret: RIA «Novostı».