Poroshenko Kolomoıskııdi otstavkaǵa jiberdi

ASTANA. 25 naýryz. Ýkraına prezıdenti Petr Poroshenko Dnepropetrovsk oblysy gýbernatory Igor Kolomoıskııdiń ózin oblystyq memlekettik ákimshilik laýazymynan otstavkaǵa jiberý jónindegi ótinishin qanaǵattandyrdy. Bul týraly «Ýkrınform» habarlady. «Memleket basshysy tıisti jarlyqqa olardyń bir-birimen kezdesken kezderinde qol qoıdy», - delingen prezıdenttiń baspasóz qyzmetiniń paraqshasyndy. Petr Poroshenko Dnepr óńiriniń Ýkraınanyń shyǵysyndaǵy senimdi qorǵanys shebi bolyp qala berýi kerek ekenin atap ótti. «Beıbit ómirdi, turaqtylyqty jáne tynyshtyqty qalpyna keltirýimiz kerek. Dnepr óńiri Shyǵys Ýkraınadaǵy bastıon bolyp qala beredi, ol turǵyndardyń beıbitshiligi men tynyshtyǵyn qorǵaıdy», - dedi memleket basshysy. Prezıdenttiń aıtýynsha, endi Dnepropetrovsk oblysy memlekettik ákimshiliginiń tóraǵasy qyzmetine Valentın Reznıchenko ýaqytsha taǵaıyndalatyn bolady. Murat Aıtqoja. Mánbe, sýret: Ýkrınform..