Jańa bastama Memleket basshysynyń «Kitap oqıtyn ult» jobasy aıasynda qolǵa alynǵan eken. Juban Moldaǵalıev atyndaǵy Batys Qazaqstan oblystyq ortalyq ámbebap ǵylymı kitaphanasy Oral qalalyq jolaýshy tasymaly bólimimen birlese kirisken joba ázirge qala ishindegi negizgi eki marshrýt avtobýstaryn qamtyǵan.
– Jolaýshylarǵa usynylyp otyrǵan kitaptardy jergilikti qalamgerler, zııaly qaýym ókilderi tegin syılady. Sol arqyly izgi bastamaǵa barynsha qoldaý bildirip jatyr. Báriniń de nıeti – kitapqa degen súıispenshilikti arttyryp, oqý mádenıetin kúndelikti ómirmen ushtastyrýǵa baǵyttalǵan, – deıdi Juban Moldaǵalıev atyndaǵy Batys Qazaqstan oblystyq ortalyq ámbebap ǵylymı kitaphanasy dırektorynyń orynbasary Nurlygúl Saǵynova.
Bul jobaǵa Batys Qazaqstan oblysy ákimdigi, oblystyq bilim basqarmasy da qoldaý bildirip otyr. Bolashaqta shalǵaı eldi mekenderge baratyn qoǵamdyq kólikterde de osyndaı sóreler paıda bolýy múmkin.
Batys Qazaqstan oblysy
