Foto: Ǵylym jáne joǵary bilim mınıstrligi
Búginde 5 qos dıplomdy jáne 11 birlesken bilim berý baǵdarlamalary boıynsha Qazaqstan, AQSh, Reseı, Qytaı jáne basqa da elderden shamamen 1200 stýdent bilim alady. Qos dıplom baǵdarlamasynyń stýdentteri granttar arqyly (Qazaqstan stýdentteri úshin) tolyq aǵylshyn tilinde oqıdy. Oqý baǵdarlamasyna sáıkes bir semestr Týson qalasyndaǵy Arızona ýnıversıtetiniń negizgi kampýsynda ótkiziledi.
Bıyl 29 tórtinshi kýrs stýdentteri AQSh-taǵy oqýdan ótti. Stýdentter bilim berý baǵdarlamalaryna sáıkes eki topqa bólindi: 20 adam IT baǵyty («Basqarýdaǵy aqparattyq júıeler») boıynsha, qalǵandary «Bıotehnologııa» baǵdarlamasy boıynsha oqydy. Bilim berý úderisine baılanysty barlyq oqý shyǵyndary Qozybaev ýnıversıtetiniń esebinen qamtyldy.
Ǵylym jáne joǵary bilim mınıstrliginiń málimetinshe, sabaqtan tys ýaqytta stýdentter murajaılar men ǵylymı-zertteý keshenderine ekskýrsııalarǵa, aımaq boıynsha mádenı saparlarǵa baryp, Arızona ýnıversıtetiniń kampýsynda mádenı jáne sporttyq is-sharalarǵa qatysty. Sonymen qatar stýdentter ǵylymı jobalarǵa tartyldy, olar keıingi dıplomdyq jumystardyń negizine aınaldy.
«Men úshin akademııalyq sapar tek jarqyn ári jaǵymdy áser qaldyrdy. Jańa bilim berý júıesine, mádenıetke jáne tildik ortaǵa beıimdelýge týra keldi. Meni zerthanalyq sabaqtar, oqýdan tys saıahattar qyzyqtyrdy. Al praktıkalyq sabaqtar qundy tájirıbe berdi. Ártúrli mádenıet ókilderimen aralasý arqyly jańa dostar taptym. Jańa tájirıbelerge ashyq bolý kerek. Bul jalpy oqýdan barynsha paıda alýǵa kómektesedi degen qorytyndyǵa keldim», dep bólisti stýdent Asel Saǵandyq.
Barlyq 29 stýdent belgilengen merzimde Arızona ýnıversıtetinde sessııany jaqsy akademııalyq kórsetkishtermen aıaqtap, joǵary daıyndyq deńgeıin aıǵaqtady.
Aldaǵy úsh jylda elimizde bilim alatyn shetel stýdentteriniń sany kúrt kóbeıedi
