«Osy turǵydan alǵanda, Ata zańda tuńǵysh ret «Halyq keńesi» týraly jeke bap, derbes bólim paıda boldy. Atalǵan qurylym jaı ǵana konsýltatıvtik, formaldy organǵa aınalmas úshin, 70-2-baptyń redaksııalyq nusqasynda «Qazaqstan halyq keńesi» Quryltaıǵa zań jobalaryn engize alady dep naqty kórsetildi. Bul – halyqtyń pikirin memlekettik sheshim qabyldaý úderisine júıeli engizýge arnalǵan saıası ınstıtýt. Iаǵnı, joǵary konsýltatıvtik organnyń múshesi bolyp tabylatyn kez kelgen Qazaqstan azamaty zań shyǵarý bastamasyn kótere alady. Bul – azamattarǵa berilgen naqty konstıtýsııalyq múmkindik», dep atap ótti ol.
Depýtattyń aıtýynsha, Halyq keńesiniń mańyzy arta túsedi. Ol jańa saıası alańǵa, memlekettik sheshimderge yqpal etetin ortalyqqa aınalady. Eń bastysy – Halyq keńesi tolyqtaı ashyq qurylym bolady jáne oǵan kez kelgen azamattyń, barlyq etnostardyń, kásipkerlerdiń qatysýyna múmkindik beriledi. Usynylyp otyrǵan ózgeristerdiń túpki maqsaty – myqty ınstıtýttarǵa súıenetin memleket qalyptastyrý.
Dınara Zakıeva: Jańa Konstıtýsııada otbasy men bala quqyǵyn qorǵaý kúsheıtiledi
