Sýretti túsirgen – Erlan OMAR, «EQ»
Qoldanystaǵy Ata zań qabyldanǵaly 30 jyldan astam ýaqyt ótti, el eseıdi, qoǵam ózgerdi, tóńiregimizdegi jaǵdaı kúrdelenip, álemdik tártip kúızeliske tústi… Onyń bárin kózi ashyq, kókiregi oıaý otandastarymyz tereń túsinip, jumylýǵa umtylyp otyr.
Osynaý tamyrly túıtkilder jaýapsyz qalmasy anyq edi. Kóp kúrsinip, bir kótergen júgimiz bul. Jańa joba el ishindegi kópjylǵy máselelerdiń sheshimi retinde usynyldy. О́tkenniń keregi qalyp, búgingige qajettisi tyń jańalyq bolyp enip jatyr. Ishki suranys pen aınaladaǵy jaǵdaıdyń arasyndaǵy teńgerimdi ári salmaqty jol qujat taraýlaryna tústi. Bul qujat – ýaqyttyń ózi qoıǵan talapqa berilgen jaýap.
Sol suranystyń biregeıi Ádildik edi. Ádiletti Qazaqstan tujyrymy, Zań men Tártip qaǵıdattary Negizgi zań jobasynyń basynda-aq taıǵa tańba basqandaı shegelendi.
Ras, Ádildik, Zańdylyq pen Tártip búgin qoǵam úshin de, azamat úshin de, memleket úshin de kezek kúttirmeıtin másele. Turaqsyz álemde turaqty el bolyp qalý ońaı sharýa emes. Júz qubylǵan qurlyqtyń ortasyndaǵy el úshin 95 baptyń arasynda ult muratyn órnekteý de jeńil boldy deı almaımyn. О́tkelde búgin turǵan ult múddesiniń bir kórinisi dese de bolady muny. Osy jerde oıshyl Abaıdyń «Aqyryn júrip, anyq bas, eńbegiń ketpes dalaǵa…» degen óleń joldary eske túsedi.
Bul turǵyda urpaq tárbıesi máselesi ózektiligin anyq baıqatady. Konstıtýsııa jobasynda tarıhı-mádenı murany saqtaýǵa, mádenıet pen bilimge, ǵylym men ınnovasııaǵa basymdyq berilgenin kórdik. Bul baptar biz murat etken keleshekti jas urpaqtyń boıyna barynsha sińirýge jol ashatyn zor múmkindik. Olaı bolsa, keler býyn óz zamanynda nyq júrip, ozyq damýyna berik irge qalaýymyz shart.
О́z basym usynylǵan qujatty qadamdap turyp alǵa bastaıtyn meje dep qabyldaımyn. Osynaý joldyń sátin salar bir ǵana dúnıe bar – bekem birlik. Asyl babalarymyz aıtpaqshy, aýyzbirshiligimizge berik bolsaq, alynbaıtyn asý, baǵyndyrmaıtyn bıik bolmaıdy.
Abzal NÚKENOV,
Almaty qalasy ákiminiń orynbasary
