Qazaq kásipkeri Moldova zaýytynyń bas dırektory boldy

ASTANA. 26 naýryz. Qazaqstan kásipkeri Talǵat Baıtazıev Moldova metallýrgııa zaýytynyń bas dırektory bolyp taǵaıyndaldy. Bul týraly «Aq Jaıyq» gazeti habarlady. Moldova aýmaǵyndaǵy moıyndalmaǵan Prıdnestrove respýblıkasynyń prezıdenti Evgenıı Shevchýktiń sózine qaraǵanda, Moldova metallýrgııa zaýyty ústimizdegi jyldyń aqpanynda memleket menshigine qaıtarylǵan. Qazir zaýyt 4 mln. dollarǵa shyǵynda tur. Evgenıı Shevchýk: «Negizgi mindet – birinshi óndiris shyǵynyn azaıtý, ekinshi – paıdaǵa jumys isteý», dedi. Prıdnestrove basshysy aqpan aıynda zaýytqa jańa ınvestor tartylatynyn, ol zaýytqa 40 mln. dollar qarjy quıatynyn málimdegen. Biraq álgi ınvestordyń kim ekenin ashyp aıtpaǵan edi. Endi, mine, onyń esimi belgili bolyp otyr. Kásiporynnyń ınvestory ári bas dırektory Talǵat Baıtazıev 49 jasta. Atyraý munaı jáne gaz ınstıtýtynyń túlegi. Ol 2004-2012 jyldar aralyǵynda Atyraý munaı óńdeý zaýytyn basqarǵan. Al 2012 jyldyń jeltoqsanynda «QazTransOıl» aksıonerlik qoǵamymen enshiles Batumi Industrial Holdings Ltd kompanııasynyń bas dırektory bolyp taǵaıyndalǵan. Joldybaı Bazar. Derek, sýret: «Aq Jaıyq» gazeti.