Almaty oblysynda para alǵan kedenshiniń basy bálege qaldy

TALDYQORǴAN. Almaty oblysynyń Panfılov aýdandyq soty qyzmette otyryp para alǵan S.Qanapııanovtyń isi boıynsha úkim shyǵardy. Bul týraly QazAqparat habarlady. S.Qanapııanov Almaty oblysy boıynsha kedendik baqylaý departamentiniń «Qorǵas» kedeninde baqylaý bóliminiń jetekshi mamany bolyp qyzmet atqarǵan. «Júkti shekaradan ótkizýge kedendik baqylaý júrgizý jónindegi óziniń qyzmettik ókilettigin paıdalanyp, E.Ábdibatyrov arqyly I.Shıshınadan 30 000 teńge aqsha alyp, para berýshiniń paıdasyna Qytaıdan Qazaqstanǵa ákelingen normadan tys taýardy kedendik tólemder men salyqtardy tóletkizbeı ótkizýge jol bergen», – dep habarlady oblystyq sottyń baspasóz qyzmeti. Ol QR QK 2-bólimi 311-babymen aıyptalyp, 5 jylǵa bas bostandyǵynan aıyrýǵa jáne 5 jyl merzimge memlekettik qyzmette, jergilikti ózin-ózi basqarý jáne keden organdarynda laýazymdardy ıelený quqyǵynan aıyrýǵa, múlki tárkilenip, jazasyn jalpy rejımdegi túzetý kolonııasynda óteýge sottaldy. Nurbol Áldibaev. Derek: QazAqparat. Sýret: gazeta.kz.