Sol soǵys bastalardan bir kún buryn Semeıdegi №1 Chernyshevskıı atyndaǵy mekteptiń túlekteri bilim ordasynyń aýlasyna bizden estelik dep terek kóshetin otyrǵyzǵan. Sodan beri 75 jyl ótip otyr. Sol kúni 21 maýsymda 10 synypty onshaqty ǵana bala bitirgen, aıanyshtysy – barlyǵy da birdeı 22 maýsym kúni soǵysqa shaqyrtylyp, birden attanǵan. Kóshet bolsa búginde qarııaǵa aınalǵandaı. – Bul terektiń tarıhy jyl saıyn urpaqtan-urpaqqa aýyzsha aıtylyp, túsindirilip keledi, – deıdi №1 mektep dırektorynyń orynbasary Zýlfııa Behtold, – osy arqyly biz oqýshylarymyzdyń patrıottyq sezimin shyńdaımyz. Bıyl bul terek aǵashynyń aınalasy qorshalyp, estelik retinde memorıaldyq taqtaısha ilindi. Osy mektepten soǵysqa attanǵannyń biri Keńes Odaǵynyń Batyry Vladımır Zasıadko, ol tiri bolǵanda 96 jasqa tolar edi. Mekteptiń taǵy bir aty ańyzǵa aınalǵan túlegi marqum Leonıd Afanasev, ol eskadrılıa komandıri bolǵan, «Tenı ıschezaıýt v polden» fılmine mýzyka jazǵan kompozıtor retinde Odaqqa tanymal edi.
Raýshan Nuǵmanbekova.
Semeı.
