Foto: Ashyq derekkóz
Sottyń málimetinshe, 2025 jyldyń jeltoqsan aıynda Moıynqum aýdany Jambyl aýylyndaǵy orta mektepte oqıtyn úsh kámeletke tolmaǵan bala basqa oqýshylarǵa júıeli túrde qysym kórsetip, túrli jumystardy atqarýǵa májbúrlegen. Bul áreketter býllıng, onyń ishinde kıberbýllıng retinde baǵalanǵan.
Mekteptegi qysym: Balalar arasyndaǵy býllıngtiń zardaby qandaı?
Quqyq buzýshylyq faktileri ákimshilik hattamalarmen, jábirlenýshilerdiń aryzdarymen jáne ózge de aıǵaqtarmen tolyq dáleldengen.
Sot otyrysynda úsh balanyń ata-anasy kinásin moıyndap, keshirim suraǵan. Al jábirlenýshi taraptyń ata-analary istiń mán-jaıymen tolyq kelisken.
Ákimshilik quqyq buzýshylyq týraly kodekstiń 127-2-baby 1-bóligine sáıkes, mundaı quqyq buzýshylyq úshin eskertý nemese 10 aılyq eseptik kórsetkish (AEK) kóleminde aıyppul qarastyrylǵan. Istiń sıpatyn, quqyq buzýshylardyń jeke basyn jáne jeńildetetin mán-jaılardy eskere otyryp, sot ár ata-anaǵa 10 AEK mólsherinde, ıaǵnı 43 250 teńge aıyppul saldy.
