Aıyptalýshyǵa Qylmystyq kodekstiń 99-babynyń 2-bóliginiń 3-tarmaǵymen aıyp taǵylǵan.
Bul oqıǵa Qyzylqoǵa aýdanyndaǵy Jasqaırat aýylynda 2025 jylǵy mamyrda bolǵan. K. degen er adam 1942 jylǵy anasyna kútim jasaý úshin áıelin aýylǵa alyp kelgen. Alaıda áıeli J. kúıeýiniń bul áreketimen kelispeı, sońy janjalǵa ulasqan.
«2025 jyldyń 27 mamyrynda kúıeýiniń joqtyǵyn paıdalanyp, J. dármensiz enesiniń bas as úı pyshaǵymen 4-5 ret soqqy jasaǵan. Jábirlenýshi aýdandyq aýrýhanada qaıtys boldy. Keshendi saraptamaǵa sáıkes, 1986 jylǵy J.-nyń sozylmaly psıhıkalyq dertke shaldyqqany anyqtalǵan. Oǵan paranoıdty shızofrenııa dıagnozy qoıylǵan. Aıyptalýshynyń kinási kýálardyń aıǵaqtarymen, oqıǵa bolǵan jerdi tekserý hattamasymen, beınejazbalarmen jáne saraptama nátıjelerimen tolyq rastalǵan», dep habarlady sottyń baspasóz qyzmeti.
Prokýror J.-ǵa qarqyndy baqylanatyn mamandandyrylǵan úlgidegi psıhıatrııalyq aýrýhanada májbúrli emdeý taǵaıyndaýdy surady. Jábirlenýshi tarap prokýrordyń májbúrlep emdeý týraly ustanymyn qoldady.
Aram aqshaǵa qunyqqan alaıaq alty jylǵa sottaldy
«Sot Qylmystyq kodekstiń 99-babynyń 2-bóliginiń 3-tarmaǵynda kózdelgen áreketti J. esi durys emes kúıde jasaǵanyn anyqtady. Atalǵan kodekstiń 16-babyna sáıkes ol qylmystyq jaýaptylyqtan bosatyldy. Sot qaýlysymen J.-ǵa qarqyndy baqylanatyn mamandandyrylǵan úlgidegi psıhıatrııalyq aýrýhanada medısınalyq sıpattaǵy májbúrleý sharalary taǵaıyndaldy», dep málim etti sottyń baspasóz qyzmeti.
