Eńbek ujymymen kezdesýge Parlamenti Májilisiniń depýtaty, Konstıtýsııalyq reforma jónindegi komıssııanyń múshesi Sergeı Ponomarev, Qazaqstan zańgerler odaǵynyń tóraǵasy, Komıssııa múshesi Serik Aqylbaı, mehanıkalyq synaqtar jónindegi ınjener Darına Seısenova jáne kásiporynnyń marketıng bóliminiń basshysy Roman Stavkın qatysty.
Otyrys barysynda jańa Konstıtýsııa jobasynda bekitiletin eńbek adamynyń quqyqtaryn qorǵaý jáne áleýmettik kepildikterdi kúsheıtý máselelerine erekshe nazar aýdaryldy. Aıda Balaeva eńbek adamy memlekettiń basty qundylyǵy ári eldiń ornyqty damýynyń negizi ekenin atap ótti.
«Eńbek adamy úshin Konstıtýsııanyń máni – abstraktili uǵym emes, naqty áleýmettik kepildikter júıesi. Jańa Ata Zań jobasynda árbir adamnyń eńbek etý quqyǵy, qaýipsizdik pen gıgıena talaptaryna saı eńbek jaǵdaılaryna ıe bolý quqyǵy, sondaı-aq qandaı da bir kemsitýsiz eńbegi úshin laıyqty aqy alý quqyǵy naqty bekitilip otyr. Bul óte mańyzdy kepildikter Konstıtýsııa jobasynyń 27-babynyń 2-tarmaǵynda naqty kórsetilgen. О́ıtkeni eńbek adamyna degen qurmet uran deńgeıinde qalyp qoımaı, quqyqtyq qaǵıdattarmen qamtamasyz etilgen naqty normaǵa aınalýy tıis.Bul norma – óndiris oryndarynda eńbek etetin azamattardyń quqyqtary men qaýipsizdigin memleket deńgeıinde qorǵaýǵa baǵyttalǵan mańyzdy quqyqtyq negiz.Sonymen qatar Jańa Ata Zańda Qazaqstan Respýblıkasy qyzmetiniń negiz quraýshy qaǵıdattarynyń biri retinde eńbeksúıgishtik uǵymynyń engizilýi de aıryqsha mánge ıe. Bul – adal eńbek qoǵam damýynyń basty qozǵaýshy kúshi retinde tanylatynyn bildiredi. Iаǵnı, memleket damýyndaǵy negizgi basymdyqtardyń biri – eńbek adamy, onyń biliktiligi, kásibıligi men áleýmettik qorǵalýy», dedi Aıda Balaeva.
Jıynda Sergeı Ponomarev qujatty ázirleý jumysy kezeń-kezeńimen, ashyq túrde jáne sarapshylyq alqanyń qatysýymen júrgizilgenin, talqylaý barysynda halyqtan kóptegen usynystar túskenin aıtty. Ol sıfrlyq ortadaǵy adam quqyqtaryn, derbes derekterdi jáne hat almasý qaýipsizdigin qorǵaýǵa, sondaı-aq qorshaǵan ortaǵa keltirilgen zııan úshin jaýapkershilikti kúsheıtýge jáne uzaqmerzimdi turaqtylyq pen qaýipsizdikke baǵyttalǵan qundylyqtardy bekitýge qatysty jańashyldyqtarǵa toqtaldy. 
Kezdesý barysynda eńbek ujymy ókilderi de óz pikirlerin bildirip, Konstıtýsııada azamattar úshin naqty kepildikterdiń jáne eńbek adamyna ádil kózqarastyń mańyzyna toqtaldy.
«Biz saıasatker de, zańger de emespiz. Biraq biz – Qazaqstan Respýblıkasynyń azamattarymyz. Bizdiń Ata zańymyzdyń qandaı bolatyny árqaısymyzǵa tikeleı baılanysty. Biz úshin adamnyń ózi, onyń ómiri, quqyqtary men eńbegi qaǵaz júzinde ǵana emes, shynaıy ómirde basty qundylyq bolǵany mańyzdy. Sondaı-aq egemendik pen eldiń aýmaqtyq tutastyǵy qol suǵýǵa bolmaııyn qundylyqtar retinde bekitilýi de mańyzdy: Elde turaqtylyq pen erteńgi kúnge degen senim bolmasa, damý da, otbasynyń tynyshtyǵy da bolmaıdy. Jańa Konstıtýsııa qarapaıym adamdar úshin shynaıy kepildikke aınalsa deımin: adal eńbek qurmettelip, laıyqty baǵalansa, jumysshy adamnyń quqyǵy qorǵalsa, zań barshaǵa birdeı bolsa. Biz mashınalar jasaımyz. Al Konstıtýsııa – búkil eldiń syzbasy sekildi: eger ol durys ári túsinikti bolsa, onda ǵımarat ta berik bolady», dedi Roman Stavkın.
Zaýyt qyzmetkerleri atynan Darına Seısenova da sóz sóıledi. Ol eńbek ujymy úshin demokratııalyq, quqyqtyq jáne áleýmettik memleket qaǵıdattarynyń naqty ómirde – turaqty jumyspen qamtylý, eńbektiń ádil baǵalanýy, qaýipsiz eńbek ortasy jáne bolashaqqasenim arqyly kórinis tabýy asa mańyzdy ekenin aıtty. Sondaı-aq ol birlik pen ultaralyq kelisim týraly normalardyń qundylyǵyn atap ótti.
«О́ndiriste túrli ult ókilderi kún saıyn ıyq tirese eńbek etedi, dál osy biriktirýshi qundylyqtar damý men turaqtylyqtyń negizin qalaıdy», dedi ol.
Kezdesý qorytyndysy boıynsha Jalpyulttyq koalısııa ókilderi eńbek ujymynyń suraqtaryna jaýap berdi. Jańa Konstıtýsııa jobasymen sanaly túrde tanysyp,15 naýryzdaǵy referendýmǵa qatysý – áleýmettik kepildikti nyǵaıtýǵa, eńbek adamynyń qaýipsizdigin qamtamasyz etýge jáne eldegi quqyqtyq qaǵıdattarǵa degen senimdi arttyrýǵa baǵyttalǵan sheshýshi qadam ekeni sóz boldy.
