Is-sharaǵa Premer-mınıstriniń orynbasary – Mádenıet jáne aqparat mınıstri Aıda Balaeva, Parlament depýtattary, BQO densaýlyq saqtaý basqarmasynyń basshysy Madııar О́teshov jáne basqalary qatysty.
Kezdesý jańa Konstıtýsııa jobasy men 15 naýryzda ótetin respýblıkalyq referendýmǵa arnaldy. Uniserv Medical Center qyzmetkerlerimen áńgimelesý barysynda Aıda Balaeva densaýlyq saqtaý salasynyń Konstıtýsııadaǵy mańyzyna erekshe toqtaldy.
«Densaýlyq saqtaý salasy memlekettiń áleýmettik modelinde mańyzdy oryn alady. Qazaqstan Respýblıkasynyń Konstıtýsııasynyń Preambýlasynda jáne birinshi babynda Qazaqstan áleýmettik memleket retinde sıpattalady, onyń joǵary qundylyǵy – adam, onyń ómiri, quqyqtary men bostandyqtary. Densaýlyq saqtaý qoǵamnyń tiregi ári halyqtyń ál-aýqatynyń kepili. Sala jumysynyń sapasy demografııalyq jáne áleýmettik turaqtylyqty saqtaýǵa, sondaı-aq ekonomıkalyq damýǵa eleýli áser etedi. Qoǵamdyq talqylaýda keıde áleýmettik saladaǵy memlekettik mindettemeler qysqarady degen jańsaq pikirler aıtylyp jatady. Alaıda Konstıtýsııa jobasynda mundaı mazmun joq. Kerisinshe, onda azamattardyń densaýlyǵyn saqtaýǵa quqyǵy, sondaı-aq zańda belgilengen tártip pen kólemde ózderi tólemeıtin medısınalyq kómekti alý quqyǵy bekitiledi.Sonymen qatar memlekettik jáne jekemenshik medısınalyq uıymdarda aqyly medısınalyq qyzmet alý múmkindigi saqtalady», dep atap ótti Aıda Balaeva.
Úkimet basshysynyń orynbasary jańakonstıtýsııalyq ózgerister qazirgi zamanǵy qaterlerdi eskere otyryp, memlekettiń qundylyqtaryn nyǵaıtýǵa baǵyttalǵanyn, jeke tulǵanyń, qoǵam men memlekettiń múddeleri arasyndaǵy tepe-teńdikti qamtamasyz etetinin atap ótti.
«Qazirgi kezeń memleket pen qoǵam arasyndaǵy qatynastardy retteı alatyn jańa Konstıtýsııany talap etedi. Ata zań jobasynyń basty qundylyǵy – azamattyń qadir-qasıetin qorǵaý men bostandyǵy Sonymen qatar birlik, syılastyq, ultaralyq jáne dinaralyq kelisim Qazaqstan memlekettiliginiń myzǵymas tiregi retinde bekitilip otyr. Bul qaǵıdattar kópetnosty, kópkonfessııaly qoǵam jaǵdaıynda turaqtylyq pen úılesimdi damýdyń basty alǵysharty ekeni sózsiz. Egemendik pen Táýelsizdik, eldiń aýmaqtyq tutastyǵy ózgermeıtin, qol suǵýǵa bolmaıtyn qundylyqtar retinde belgilenýi – memlekettiń beriktigine berilgen naqty quqyqtyq kepil. Qandaı jaǵdaıda da bul ustanymdar Qazaqstan damýynyń buljymas negizi bolyp qala beredi», dedi Premer-mınıstrdiń orynbasary.
Konstıtýsııalyq normalardyń salalyq mańyzy týraly Uniserv Medical Center anestezıologııa jáne reanımasııa, ıntensıvti terapııa bóliminiń meńgerýshisi, anestezıolog-reanımatolog Aıan Ermuhan óz sózinde medısınalyq mamandar jańa jobany tek formaldy qabyldamaı, ol medısınalyq kómek sapasyna, qyzmetterdiń qoljetimdiligi men pasıent quqyqtaryn qorǵaýǵa áser etetin baǵyt-baǵdar retinde qaraıtynyn aıtty.
«Densaýlyq saqtaý salasyndaǵy normalar biz úshin tek zańdy tujyrymdar emes, bizdiń kúndelikti jumysymyzǵa jáne pasıentterge medısınalyq kómek kórsetý sapasyna tikeleı áser etetin erejeler. Jobada azamattardyń densaýlyǵyn saqtaý jáne zańmen belgilengen kólemde tegin medısınalyq kómek alý quqyǵy naqty bekitilgen. Bul tek emdeý ǵana emes, ómir sapasyn arttyrý, profılaktıkany damytý jáne erte dıagnostıka júıesin jetildirý degendi bildiredi. Pasıent quqyqtaryn qorǵaý, medısınalyq qyzmetterge qol jetkizý men sapanyń mańyzy arta túsedi», dedi ol.
Májilis depýtaty Sergeı Ponomarev medısına qaýymdastyǵyn Konstıtýsııa mátinimen muqııat tanysýǵa shaqyrdy. Qazaqstan zańgerler odaǵynyń tóraǵasy Serik Aqylbaı jańa Konstıtýsııa sıfrlyq dáýirdiń jáne ǵylym men ınnovasııalardyń róli eldiń damýyna yqpal etetinin, bul medısına salasyna da áser etip jatqanyn atap ótti. Baqtyqoja Izmuhambetov medısınalyq qyzmetkerlerge densaýlyq saqtaý júıesiniń adam kapıtalynyń nyǵaıýyna qosqan úlesin atap ótip, olardyń eńbegine alǵysyn bildirdi.
Kezdesý barysynda medısınalyq qaýymdastyqtyń ókili Nadejda Vasıleva Konstıtýsııa jobasynyń densaýlyq saqtaý júıesin damytý jáne ult densaýlyǵyn nyǵaıtýǵa baǵyttalǵan negizgi erejelerine nazar aýdardy.
«Konstıtýsııada memlekettiń eń bastyqundylyǵy – adam, onyń ómiri, quqyqtary men bostandyqtary, al adamnyń ómir tiregi – densaýlyq dep kórsetilgen. Joba ár azamattyń densaýlyǵyn saqtaý quqyǵyn bekitedi, bul tek norma emes, memlekettiń jáne qoǵamnyń jalpy jaýapkershiligi. Medısınalyq qyzmet úshin bul naqty mindetterdi bildiredi. Atap aıtsaq, sapaly jáne qoljetimdi medısınalyq kómek kórsetý, aýyl men qala arasyndaǵy alshaqtyqty azaıtý, jańa tehnologııalardy engizý jáne jas mamandardy tartý. Konstıtýsııa – bizdiń baǵdarymyz, al halyqtyń densaýlyǵy – eldiń damýynyń basty kórsetkishteriniń biri», dedi Nadejda Vasıleva.
Kezdesý sońynda medısınalyq qyzmetkerler suraqtar qoıyp, óz usynystaryn bildirdi. Jıynǵa qatysýshylar densaýlyq saqtaý júıesi úshin turaqty erejeler, pasıentterdiń senimi men áleýmettik kepildikterdi sapaly iske asyrýdyń mańyzy kóterildi. Jańa Konstıtýsııa jobasy boıynsha sońǵy sheshimdi azamattar 15 naýryzda ótetin referendýmda qabyldaıtyn bolady.
