Memlekettik keńesshimen birge óńirge Jalpyulttyq koalısııanyń músheleri, Parlament Májilisiniń depýtattary – Snejanna Imasheva, Erkin Ábil, Aıdarbek Qojanazarov, Qazaqstan halqy Assambleıasy Tóraǵasynyń orynbasary Marat Ázilhanov, Prezıdent Teleradıokesheniniń dırektory Raýshan Qajybaeva, prodıýser Almas Jalı, Uni-Q Group medıaholdınginiń bas dırektory Muhamedqalı Taýan bardy.
О́ńirge sapar etnomádenı birlestikterdiń ókilderimen kezdesýden bastaldy. Memlekettik keńesshi Erlan Qarın Jańa Konstıtýsııa tek quqyqtyq qujat qana emes, sonymen qatar múddeler teńgerimin, yntymaqtastyqty, ózara qurmetti jáne el bolashaǵyna ortaq jaýapkershilik qundylyqtaryn bekitetin qoǵamdyq kelisim ekenin atap ótti. Ol «Birligimiz – áralýandyqta» qaǵıdaty qoǵamnyń tutastyǵyn nyǵaıtatynyn málimdedi.
Májilis depýtattary Snejanna Imasheva men Erkin Ábil ınstıtýsıonaldyq jańǵyrtý tetikteri jáne derbestikti qorǵaý máseleleri týraly aıtyp, usynylyp otyrǵan ózgerister azamattardyń sheshim qabyldaýǵa qatysýyn kúsheıtetinin, memleket pen qoǵam arasyndaǵy ózara is-qımyldyń áleýmettik ádiletti modelin qalyptastyratynyn jetkizdi.
Qazaqstan halqy Assambleıasy Tóraǵasynyń orynbasary Marat Ázilhanov pen etnomádenı birlestikterdiń ókilderi Halyq Keńesiniń etnosaralyq jáne konfessııaaralyq dıalog alańy, teń múmkindikterdi qoldaý jáne qoǵamdyq kelisimdi nyǵaıtý quraly retindegi rólin atap ótti.
Sapar barysyndaǵy basty oqıǵa – oblys aktıvimen kezdesý. Is-sharaǵa shamamen 300 adam – qoǵam qaıratkerleri, dıqandar, ónerkásip salasynyń mamandary, áleýmettik sala qyzmetkerleri, ǵylymı jáne shyǵarmashylyq zııaly qaýym ókilderi, sportshylar, sondaı-aq jastar qaýymy qatysty.
Memlekettik keńesshi Erlan Qarın Konstıtýsııa jobasyn ázirleý barysyna jan-jaqty toqtaldy. Onyń aıtýynsha, referendým Jańa Konstıtýsııa jobasyn jarty jyldan astam ýaqyt boıy keń kólemde qoǵamdyq talqylaýdyń zańdy qorytyndysyna aınalady. Jańa Ata Zań memleket pen qoǵamnyń ózara tıimdi is-qımylyna negizdelgen memlekettik-saıası qurylystyń zamanaýı modeline túbegeıli kóshýdi bildiredi.
Májilis depýtattary Snejanna Imasheva men Aıdarbek Qojanazarov joba bılik ınstıtýttarynyń ókilettikteri men jaýapkershiligi arasyndaǵy tepe-teńdikti bekitetinin, sondaı-aq ekonomıkany, ınnovasııalardy damytýǵa jáne ınvestısııalar tartýǵa jaǵdaı jasaıtynyn atap ótti.
Qostanaı avtomobıl kóligi kolledjiniń dırektory Dmıtrıı Pavlenko eńbek, bilim, ǵylym jáne ınnovasııa qundylyqtarynyń bekitilýi jastardyń kásibı turǵyda ósýine jáne zamanaýı ekonomıkanyń damýyna qajet berik negiz qalaıtynyn málimdedi.
Sapar barysynda delegasııa «Agromash» jáne «Allur» zaýyttarynyń jas mamandarymen kezdesti. Memlekettik keńesshi Erlan Qarın adamı kapıtaldyń, bilimniń, ǵylymnyń jáne azamattardyń eńbektegi jetistikteriniń basymdyǵyna toqtaldy. Koalısııa músheleri joba áleýmettik ádildikti kúsheıtýge, jumyspen qamtýdy qoldaýǵa jáne kásipkerlikti damytýǵa baǵyttalǵanyn aıtty. Jas mamandar Konstıtýsııany salaǵa qajet turaqty jaǵdaıdy qalyptastyratyn ári kásibı turǵyda ósýge múmkindik beretin qural retinde baǵalaıtyndaryn jetkizdi.
О́ńirde kreatıvti jastardyń ókilderimen de kezdesý ótti. Spıkerler bilim, ǵylym, mádenıet jáne ınnovasııalardy memlekettiń strategııalyq basymdyǵy retinde bekitý, sondaı-aq zııatkerlik menshikti quqyqtyq turǵyda qorǵaý máselelerin talqylady.
Referendým-2026: Sheteldegi daýys berý ýchaskeleriniń tizimi jarııalandy
Jalpy alǵanda, óńirdegi sapar aıasyndaǵy kezdesýler qoǵamnyń 2026 jyly 15 naýryzda ótetin referendýmǵa qatysýǵa degen joǵary qyzyǵýshylyǵy bar ekenin kórsetti.
