Sondaı daryny asqan jastardyń biri Qaırat Ábilov edi. 1971 jyly Qostanaı oblysynyń Qamysty aýdanynda dúnıege kelgen ol balaýsa kezinen balýandyq ónerdiń sıqyryna arbalyp, erkin kúreske myqtap den qoıdy. Aýdan ortalyǵynda Ývaıs Dýbaevtyń qol astynda jattyqty. Zerek balanyń boıynda bula kúshtiń bulqynyp jatqanyn baıqaǵan bapkeri ony arnaýly oqý ornyna jiberýdi jón kórdi. Sóıtip, bozbala Qaraǵandy qalasynda qonys tepken áıgili Álııa Moldaǵulova atyndaǵy №3 sport salasyndaǵy Olımpıadalyq mektep-ınternattan bir-aq shyqty.
Talaı daryndy sportshylardy tulek ushyrǵan qara shańyraqta Qaırat kóptiń biri bolyp qalǵan joq. Ol óz qatarynyń aldy boldy. 1985-86 jyldary ózi quryptas balalardyń arasynda Almaty men Arqalyqta ótken respýblıka birinshiliginde qarsylas shaq keltirmedi. 1987 jyly Qaraǵandyda uıymdastyrylǵan mektep oqýshylarynyń spartakıadasynda kúmis medaldi moınyna ilip, Bishkektegi búkilodaqtyq týrnırde top jardy. 1988 jyly Taldyqorǵanda Qazaqstannyń jasóspirimder oıyndarynyń jeńimpazy atanyp, Dýshanbede mektep-ınternattar arasyndaǵy KSRO birinshiliginiń bas júldesin oljalady.
Al 1989 jyly Tbılısıde «A» sanatyndaǵy týrnırde barlyq báskelesterinen basym túsip, KSRO-nyń sport sheberiniń kúmis belgisin keýdesine taqty.
Áýeli 69 kg salmaq dárejesinde kúresip, ýaqyt oza 74 kg salmaqqa aýysqan Ábilovtiń jolyna maıtalman mamandar úlken úmitpen qarady. Biraq jalyndy jastyń daryny assa da, baǵy janbady. Túrli jarystarda alǵan jaraqattary Qaırattyń keńinen kósilýine múmkindik bermedi. Sodan ol naǵyz jalyndap turǵan shaǵynda bozkilemmen qosh aıtysty. Alaıda keıipkerimiz úlken sporttan alystaǵan joq. О́zi bıznespen aınalyssa da, daryndy jastarǵa únemi qamqor qolyn sozyp júrdi. Demeýshi boldy. Qaırat Qubaıulynyń qamqorlyǵyn kórgen talaı jas óren keıinnen el sportyndaǵy eleýli tulǵaǵa aınaldy. Alaıda Ábilovtyń ómiri kelte boldy. Ol nebary 36 jasynda baqılyq boldy. Qamystyda jyl saıyn aıtýly azamatty eske alýǵa arnalǵan respýblıkalyq týrnır úzdiksiz ótip turady.
Laýra Almaǵanbetova men Zeınep Baıanova Albanııadaǵy reıtıngtik týrnırde top jardy
Bul kúnderi Qamystyda jasqy sport kesheni salynyp jatyr. Buıyrtsa, bıyl paıdalanýǵa beriledi dep josparalanyp otyr. Osy óńir turǵyndarynyń atalǵan nysanǵa kezinde Qazaqstan men KSRO qurama komandasynyń múshesi bolǵan belgili balýan Qaırat Ábilovtiń esimin berse degen tilegi bar...
