Erkin kúres sheberleriniń jarysynda Edige Qasymbektiń asqan sheberligine tamsandyq. 125 kg salmaqta aıqasqan qazaqtyń nar tulǵaly 19 jastaǵy balýany barlyq básekede basymdyq tanytyp, fınaldyq saıysta bozkilem qojaıyny, Álem kýbogi men Eýropa chempıonatynyń qola júldegeri, Tokıo Olımpıadasyna qatysýshy Denıs Hromenkovty 5:4 esebimen qapy qaldyrdy. Sóıtip, Qasymbek asa bedeldi jarystyń jeńimpazy atandy. Esterińizge sala keteıik, dál osy qazaqtyń alyby 2025 jyly Bolgarııanyń Samokov qalasynda uıymdastyrylǵan jastardyń álem birinshiliginde (U20) qarsylas shaq keltirmeı, bas júldeni oljalady. Sondaı-aq, Edigeniń byltyr Qazaqstan chempıonatynyń fınalynda talaı dúrmekte ysylǵan ákki Álisher Erǵalıdi jeńgeni de jankúıerlerdiń jadynda.
Tanymal balýandar Dáýlet Ergesh (86 kg) pen Nurlan О́tegenovtiń (79 kg) de jeńis tuǵyrynyń eń bıik satysyna kóterilýge jaqsy múmkindikteri boldy. Alaıda olar fınalda súrindi. Dáýlet reseılik Áziret Ulymbashevten, Nurlan belarýstik Magomedhabıb Kadımagomedten utyldy. 70 kg salmaq dárejesiniń qolasyn Qazaqstannyń qos balýany Nachyn Kýýlar men Ámerhan Iаndıev ózara sarapqa salyp, bul báseke bir ǵana upaı aıyrmashylyǵymen Kýýlardyń paıdasynan sheshildi. Sondaı-aq, Erasyl Muhtaruly (57 kg), Ádı Serikuly (65 kg), Meıirjan Áshirov (74 kg), Sanjar Dosjanov (74 kg) jáne Nurkerim Esnııaz ben Beıbarys Qasymbek (92 kg) úzdik úshtikti túıinedi.
Áıelder kúresinen ótken básekede Laýra Ǵanıqyzy (50 kg) men Alına Ertóstik (76 kg) kúmispen kúptelse, Irına Kazıýlına men Elena Shalygına (68 kg) qolaǵa qol sozdy.
Sofııadaǵy boks básekesi: Qazaqstannyń 15 bylǵary qolǵap sheberi rıngke kóterildi
