Talapkerler ótinish berý barysynda testileý kúnin, ýaqytyn jáne ótkizý pýnktin ózderi anyqtady.
Eń kóp tańdalǵan beıindik pánder kombınasııasy – «Matematıka – Fızıka» (18,7%). Bul baǵytty negizinen bolashaq ınjenerler, muǵalimder, qurylysshylar, energetıkter jáne tehnıkalyq mamandyq ıeleri tańdaǵan. Al 16,6% talapker «Bıologııa – Hımııa» pánderin belgilese, 10,3%-y shyǵarmashylyq emtıhandy tańdaǵan. Iаǵnı, medısına jáne shyǵarmashylyq salasyna qyzyǵýshylar da az emes.
UBT kezinde testileý baǵdarlamasynda kalkýlıator, Mendeleevtiń hımııalyq elementter kestesi jáne tuzdardyń erigishtik kestesi qoljetimdi bolady. Test aıaqtalǵannan keıin talapkerler 30 mınýt ishinde apellıasııaǵa ótinish bere alady. Apellıasııa nátıjesi shyqqannan keıin sertıfıkat talapkerdiń jeke kabınetinde jarııalanady.
UBT: Qostanaı oblysynda talapkerlerdiń 74%-y shekti ball jınady
2026 jyly UBT formaty ózgerissiz qaldy. Talapkerler úsh mindetti pán jáne eki beıindik pán tapsyrady. Jalpy tapsyrma sany – 120. Onyń ishinde «Qazaqstan tarıhynan» 20 suraq, «Oqý saýattylyǵy» men «Matematıkalyq saýattylyqtan» 10 suraqtan, al ár beıindik pánnen 40 suraq beriledi. Eń joǵary ball – 140.
Testileý uzaqtyǵy 4 saǵatty (240 mınýt) quraıdy. Erekshe bilim berý qajettilikteri bar talapkerlerge qosymsha 40 mınýt ýaqyt qarastyrylǵan.
Naýryz aıyndaǵy UBT-ǵa shartty túrde aqyly negizde JOO-ǵa túskender, ótken jylǵy mektep túlekteri, kolledj bitirýshiler, Qazaqstan azamaty emes, biraq ulty qazaq tulǵalar, shetelde bilim alǵan Qazaqstan azamattary jáne bıylǵy mektep bitirýshiler joǵary oqý oryndaryna aqyly negizde túsý úshin qatysa alady.
Qańtardaǵy UBT: Testileý erejesin buzǵan 120 adamnyń nátıjesi joıyldy
