Elimizdiń jetekshi shyǵarmashylyq ujymdarynyń biri sanalatyn ansambl kórermenge erekshe konserttik baǵdarlama usyndy. Kesh barysynda tyńdarman qazaq dástúrli mýzykasynyń alýan túrli kompozısııalarymen tanysyp, folk, etno-djaz, etno-pank jáne zamanaýı baǵyttardyń úılesim tapqan áserli mýzykalyq keshtiń kýási boldy. Baǵdarlama ulttyq mýzyka óneriniń úzdik týyndylaryn – kúı, án, bı jáne olardyń zamanaýı ınterpretasııalaryn qamtydy.
Konsertke Qazaqstannyń eńbek sińirgen qaıratkeri Erbolat Shaldybekov, «Daryn» memlekettik jastar syılyǵynyń laýreaty Ádilhan Makın, sondaı-aq respýblıkalyq jáne halyqaralyq baıqaýlardyń laýreattary Zańǵar Múbárakov, Jantý Dadabaev, Aqqanat Smaǵulova, Jasulan Kárim qatysty.
«Astana sazy» qazaq memlekettik folklorlyq ansambli – qazaq halyq shyǵarmashylyǵynyń damýyna jáne dáriptelýine zor úles qosyp júrgen óner ujymdarynyń biri. Folklorlyq ansambl mýzykanttary kórermendi dombyra, qobyz, sherter, shańqobyz, sazsyrnaı, sybyzǵy, asataıaq, daýylpaz, tuıaqtas, qońyraý jáne basqa da halyq mýzykalyq aspaptarynyń únimen tanystyryp keledi. Ansambldiń kórkemdik jetekshisi – Nurken Iаkııaev.
О́ner ujymynyń repertýary túrli halyqtardyń dástúrli aspaptyq mýzykasyna, sondaı-aq zamanaýı avtorlyq shyǵarmalarǵa baı. Ujym ártisteri Tájikstan, О́zbekstan, Qyrǵyzstan, Taıaý Shyǵys pen Orta Azııa elderinde óner kórsetip, halyqaralyq mádenı is-sharalarǵa belsendi qatysyp keledi.
