Memlekettik syıaqy alǵandardyń 388 799-y – jeke baspanasy joq ári turǵyn úı kezeginde turǵan azamattar. Olardyń 237 688-i buryn kezekte.kz portalynda tirkelgen. Bul salymshylar bolashaqta jyldyq mólsherlemesi 2%-dan bastalatyn jeńildetilgen zaem alý úshin «Otbasy bankte» josparly túrde qarajat jınap jatyr. Al 151 111 azamat 2025 jylǵy 24 mamyrdan keıin orken.otbasybank.kz portalynda turǵyn úıge muqtaj retinde tirkelip, bıyl ǵana depozıt asha bastaǵan.
2025 jyldyń nátıjesi boıynsha depozıtterine memlekettik syıaqy eseptelgen kezekte turǵan azamattardyń arasynda I jáne II toptaǵy 12 059 múgedek, 57 551 kópbalaly otbasy, múmkindigi shekteýli bala tárbıelep otyrǵan 10 679 otbasy, sondaı-aq «jetim balalar jáne ata-anasynyń qamqorlyǵynsyz qalǵan balalar» sanaty boıynsha kezekte turǵan 13 966 adam bar.
Dúnıejúzilik bank 1 mlrd dollar bóldi: Ony Qazaqstan qaı maqsatta qoldanady?
Sonymen birge turǵyn úı qurylys jınaq júıesine qatysatyn 303 406 jas salymshy da memlekettik syıaqy aldy. Ata-analary balalardyń bolashaqta baspanaly bolýy úshin olardyń atyna depozıt ashqan. Bıyl bul shottarǵa 9,6 mlrd teńge kóleminde memlekettik syıaqy aýdaryldy.
Jalpy alǵanda, qazaqstandyqtarǵa eseptelgen memlekettik syıaqynyń jıyntyq kólemi 124,4 mlrd teńgeni qurady. Bir salymshyǵa berilgen eń joǵary syıaqy mólsheri 157 280 teńge boldy. Dál osy eń joǵary somany 591 709 adam ıelendi.
Memlekettik syıaqy eseptelgen 555 732 depozıt onlaın formatta – mobıldi qosymsha jáne beıneservıs arqyly ashylǵan. Jınaq shottarynyń eń kóp sany Shymkent qalasynda tirkeldi – 164 146 salym. Astana qalasynda – 126 341 salym, Almaty qalasynda – 113 297 salym ashylǵan. Bul qalalarda memlekettik syıaqy eseptelgen depozıtterdiń úlesi joǵary.
Memlekettik syıaqy zańnamaǵa sáıkes tólenedi jáne azamattardyń turǵyn úıge qarajat jınaýyn jedeldetýge baǵyttalǵan. Aıta ketý kerek, aǵymdaǵy jyly syıaqy ótken jyldary syıaqy eseptelgen salym somasyna qaıta eseptelmeıdi. Eger syıaqy esepteletin jınaq mólsheri 200 AEK-ten assa, syıaqy berilmegen qaldyq soma kelesi jyldyń qorytyndysy boıynsha esepteý kezinde eskeriledi.
Ulttyq bank tóraǵasy azamattarǵa ıpotekaǵa úı alýdy keıinge qaldyrýǵa keńes berdi
Mysaly, 2024 jyldyń sońynda salymshy depozıtinde 1 mln teńge bolsa, memlekettik syıaqy tek 200 AEK kólemindegi somaǵa ǵana esepteldi. Qalǵan aıyrma 2025 jyldyń qorytyndysy boıynsha syıaqy eseptegende nazarǵa alyndy.
Eger bir adamnyń bankte birneshe depozıti bolsa, memlekettik syıaqy onyń tańdaýy boıynsha tek bir shotqa ǵana aýdarylady. Qajet bolǵan jaǵdaıda salymshy esepti jyl aıaqtalǵanǵa deıin banktiń mobıldi qosymshasynda tıisti jınaq shotyn belgilep, ózgeris engizýi tıis.
2026 jyldyń qorytyndysy boıynsha memlekettik syıaqynyń eń joǵary mólsheri 173 000 teńge bolady. Ony alý úshin «Otbasy bank» shotynda keminde 865 000 teńge (200 AEK) jınaqtalýy qajet. Bul úshin aı saıyn shamamen 73 000 teńgeden salyp otyrý usynylady.
Bank syıaqysy men memlekettik syıaqyny qosqanda, depozıtter boıynsha jyldyq tıimdi mólsherleme 14%-ǵa deıin jetedi.
Memleketten kómek alǵan bankterge dıvıdend tóleýge shekteý qoıylýy múmkin
Jınaq júıesi qazaqstandyqtarǵa jyldyq mólsherlemesi 3,5%-dan bastalatyn (JTSM 3,6%-dan 4,4%-ǵa deıin) qoljetimdi nesıe alyp, jeke baspanasyn satyp alýǵa múmkindik beredi.
