Foto: Ashyq derekkóz
2026 jylǵy 5 naýryz saǵat 08:00-degi jaǵdaı boıynsha, birqatar óńirlerde respýblıkalyq mańyzy bar jol ýchaskelerinde qozǵalys ashyq.
Qozǵalys ashyq joldar
Soltústik Qazaqstan oblysy:
- Astana – Kókshetaý – Petropavl – Reseı shekarasy;
- Astana – Atbasar – Jaqsy – Rýzaevka – Sarykól – Qostanaı;
- Jezqazǵan – Arqalyq – Petropavl;
- Kókshetaý – Kishkenekól – Bıdaıyq – Reseı shekarasy;
- Qostanaı – Mamlıýtka jáne basqa da joldarda kólik qozǵalysyna ruqsat berilgen.
Aqmola oblysynda:
- Jezqazǵan – Arqalyq – Petropavl, Kókshetaý – Kishkenekól – Bıdaıyq, Astana – Atbasar – Jaqsy – Rýzaevka baǵytyndaǵy birqatar jol ýchaskeleri ashyq.
Qostanaı oblysynda:
- Astana – Atbasar – Jaqsy – Rýzaevka – Sarykól – Qostanaı – Reseı shekarasy;
- Qostanaı – Mamlıýtka jáne Qostanaı – Áýlıekól – Surǵan baǵyttarynda qozǵalys ruqsat etilgen.
Shekteý engizilgen joldar
Aýa raıynyń qolaısyzdyǵyna baılanysty keıbir óńirlerde barlyq kólik túrlerine ýaqytsha shekteý engizildi.
Aqtóbe oblysynda:
-
Aqtóbe – Reseı shekarasy (Álimbet ótkizý pýnkti) jolynyń 39-136 shaqyrym aralyǵy;
-
Reseı shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas baǵytyndaǵy joldyń Aqtóbe – Qarabutaq aralyǵy jabyq.
Jetisý oblysynda:
-
Úsharal – Dostyq – Qytaı shekarasy avtojolynyń 84-164 shaqyrymy (Kóktuma stansııasy – Dostyq stansııasy).
Pavlodar oblysynda:
-
Astana – Shiderti – Pavlodar – Ýspenka – Reseı shekarasy tasjolyndaǵy «Qalqaman» jolaıryǵynda kólik qozǵalysy shekteldi. Bul shekteý kópir qurylymynyń zaqymdanýyna baılanysty engizilgen.
Eske sala keteıik, elimizdiń basym bóliginde aýa raıyna baılanysty eskertý jarııalandy.
